إيه أخبار مشروع رأس جميلة.. السعودية نازلة على تقيل ومفاجأة في الطريق

هو ليه سكت الكلام عن مشروع رأس جميلة في جنوب سينا وهل صرفت السعودية نظر ولا فيه مفاجأت في الطريق.. وامتي هيتم الاعلان عن الصفقات الجديدة لو هتحصل.. خليكم معانا للأخر

بعد الإعلان عن صفقة رأس الحكمة واللي كانت بداية الخروج من عنق الزجاجة وقلب الأزمة الاقتصادية الصعبة اللي عاشتها مصر الحقيقية بسبب الظروف اللي حولينا من كل حتة.. وبعد صفقة رأس الحكمة و35 مليار دولار اللي استلمت مصر جزء كبير منهم بدأ الكلام عن صفقات تانية كتير في مصر مع دول عربية وكمان أجنبية ودايما المصريين بيركزوا على المشروعات العربية عشان بيكون فيها نوع من المساندة بجانب الاستثمار.
المهم بدأ الكلام زي ما قلنا عن صفقات جديدة وفرص استثمارية ضخمة وفعلا تم الإعلان رسميا عن صفقات خيالية مع الصين لانشاء مناطق صناعية كاملة على شاطيء المتوسط للاستفادة من اللوجستيات والمواني القريبة من ارووبا للتصدير وكمان أعلنت تركيا عن بداية إنشاء منطقة صناعية كبيرة في مصر وخلي بالك احنا بنتكلم عن مناطق صناعية كاملة مش مجرد مصنع ولا اتنين عشان كدده بنتكلم عن مليارات الدولارات وطبعا المشروعات دي هتفرق كتير جدا معانا سواء بتشغيل العمالة او تحصيل الضرايب والرسوم أو التصدير وزيادة قوة الاقتصاد المصري بشكل عام.
ومن بين المشروعات الضخمة اللي طلع الكلام بقوة عنها هو مشروع رأس جميلة على سواحل جنوب سيناء واللي بتعتبر حتة من الجنة وهي مواجهة للسواحل السعودية، واتقال ساعتها عن استثمارات 20 مليار دولار كبداية وإن المشروع هيكون عالمي ترفيهي سياحي تجاري وليلة كبيرة .. لكن فجأة سكت الكلام عن المشروع.. واحنا بنقولك مسكتش ولا حاجة وفيه مفاوضات ومناقشات لتفاصيل المشروع والجديد بقي إنه منتظر الإعلان عن المشروع ده بجانب مشروعات سعودية تانية في مصر خلال الأيام القليلة اللي جاية وهيكون بعد تدشين مصر لمرحلة جديدة وانطلاقة قوية مع الرئيس السيسي واللي هيبدأ بكرة فترة ولاية جديدة وهتكون مرحلة فارقة في الملفات الاقتصادية والمالية والتنمية في مصر وهيكون طبعا للعرب نصيب كبير فيها وهنشوف استثمارات ضخمة سعودية في الطريق ولسه امبارح اتكلمنا مع حضراتكم عن مشروع ب2 مليار دولار تقريبا للربط الكهربائي بين مصر والسعودية واللي قرب يخلص ودا غير مشروعات تانية ضخمة سعودية في مصر شغالة فعلا.