مفاجأة في اسم رئيس الحكومة الجديد.. معلومات حصرية عن التشكيل الوزاري
يا ترى امتى هيتم الاعلان عن التشكيل الوزاري الجديد؟ ومين هيكون رئيس الحكومة القادمة؟ وازاي بيتم اختيار الوزراء الجدد وايه المهام اللي هيتم تكليفهم بيها؟ وليه الرئيس السيسي أخر الإعلان عن التغيير الوزاري؟
خلال ساعات قليلة هيؤدي الرئيس السيسي اليمين الدستورية رئيسا لمصر لولاية جديدة هيستكمل فيها رحلة بناء الجمهورية الجديدة.. ومع بدء العد التنازلي لاستلام السيسي مهام عمله في فترته الرئاسية الجديدة نشطت بورصة التغيير الوزاري واختيار حكومة جديدة تتناسب مع تطلعات الرئيس للفترة الجاية واتقال كلام كتير عن الحكومة الجديدة .. لكن النهاردة هنقول لحضراتكم معلومات حصرية بتنشر لأول مرة عن كواليس اختيار الحكومة
وأول حاجة فيه مفاجأة كبيرة جدا فيما يخص اسم رئيس الحكومة الجديد ورغم ان كل الناس بتتوقع رحيل الدكتور مصطفتى مدبولي واختيار اسم بديل الا ان المعلومات اللي عندنا بتقول ان فرص بقاء مدبولي قوية جدا خصوصا انه بيحظى برضا ودعم كبير من الرئيس السيسي بعد الجهد الكبير اللي بيقوم بيه من اول ما تم اختياره رئيسا للحكومة.. وبيعول الرئيس على مدبولي فس استكمال الإنجازات اللي تحققت في الفترة الأخيرة والبناء عليها للمرحلة الجاية
طب وبالنسبة للوزراء مين هنقعد ومين هيمشي؟
فيما يتعلق بالوزراء الرئيس السيسي أعطى توجيهات قوية باختبار كفاءات وعقليات قارة تضيف في كل الملفات وحاليا الأجهزة بتدرس السير الذاتية وبتعمل مقابلات مع المرشحين وتم الاستقرار على أسماء قوية خصوصا في الحقايب الوزارية الاقتصادية والخدمية
نيجي بقا للناس المرشحة تمشي .. تقدر تقول كده ان فيه مجموعة وزراء خلاص مهتهم انتهت وفشلوا في مهامهم ومش هيكون ليهم مكان في الحكومة الجديدة وابرزهم وزير التموين علي المصيلحي ووزير الزراعة وزراء البيئة والتعليم العالي وفيه كلام قوي كمان عن رحيل وزير التربية والتعليم ووزير التجارة والصناعة والإسكان وحقايب تانية بيتم الاستقرار على وزرائها الجدد.
ومن المعلومات المؤكدة ان التشكيل الوزاري الجديد هيضم خبرات كبيرة واسماء ليها تقل سياسي واقتصادي لان المرحلة الجاية صعبة وعاوزة حكومة حرب في ظل كتير من التحديات اللي بتواجه مصر خصوصا في الملف الاقتصادي وعشان كده بنسبة كبيرة هنشوف أسماء مصرفية ليها إسم في العالم هتكون موجودة في التشكيل الجديد وهيكون ليها دور مهم وكبير فى صنع السياسات المالية للدولة.
