مكسب شهري 18 الف جنيه.. تعرف علي تفاصيل شهادات الميلونيرات في 4 بنوك
لو محوش قرشين للزمن وتخالف تدخل بيهم اي مشروع او تفتح بيهم باب رزق جديد بسبب التغيرات الغير معروفة في سوق الاستثمار في مصر، طيب لو خايف علي الفلوس اللي حوشتها من تعب وشقي السنين ومش عارف تشيلهم في بيتك لا قدر الله تكون ضحية سرقة في يوم من الايام ، اي الحل في المشكلة دي.. بس انا دلوقتي هقول علي باب رزق ليك هيدخل مبلغ كويس جدا كل شهر من غير ما تخسر ولا جنية.. وكمان هتكون مطئمن علي فلوس مائة في المائية.
قالوا زمان القرش الابيض ينفع في اليوم الاسود، وكلنا ماشيين بالمبدا ده وكل واحد فينا راكن قريشن علي جنب للزمن يمكن نتيجي قدامه حاجة كويسة يتشتريها او لا قدر الله يقع في ظروف ما ينفعوه ويكون باب عون له وفكر الف مرة ان يدخل بيهم في اي مشروع لكنه بتراجع في اللحظات النهائية بسبب تقلبات السوق وسعر الصرف اللي موجودة عندنا في مصر، وغالبا مش هيكون شايلهم في بيته وخايف لا قدر الله يسترقوا منه في يوم من الايام.
انا دلوقتي هقولك علي الحل السليم اللي هيخلصك من الحيرة دي ولا يكون باب رزق ليك وفلوسك هتزيد بارقام كبيرة هتوصل لـ 18 الف جنيه شهريا بدون ما تخسر جنية واحد من راس مالك وتكون مأمن ومحافز علي فلوسك في مكان مضمون واستحالة يحصل ليهم اي حاجة .
بنوك التعمير والإسكان والتجاري الدولي CIB، والقاهرة وأبو ظبي الأول اعلنوا عن تقديم شهادات ذات آجل 3 سنوات للمليونيرات بأسعار فائدة مرتفعة على الجنيه بشرط انه يكون الحد الأدنى لشراء الشهادة ميقلش عن مليون جنيه أو 2.5 مليون جنيه أو 3 ملايين جنيه حسب سياسة كل بنك فيها.
البنوك دي كمان اعلوت عن اتاحة شهادات تانية للعملاء العاديين من أول ألف جنيه أو 10 آلاف جنيه كحد أدنى للشراء، لكن بأسعار فايدة اقل عن اللي بتقدمها على شهادات المليونيرات.
وعلشان نتعرف اكثر علي تفاصيل شهادات المليونيرات، هنبدا من بنك التعمير والإسكان واللي اعلن عن تقديم الشهادة الثلاثية للعائد الثابت الماسية وبيوصل سعر الفايدة بتاعتها لـ 19.75% سنويا العائد بتاعها بيصرف شهريا، والحد الأدنى لشراء النوع ده من الشهادات بيبدأ من 3 مليون جنيه ومضاعفات 100 ألف جنيه.
ومن بنك التعمير والإسكان بنروح معاكم للبنك التجاري الدولي واللي اعلن عن طرح الشهادة الثلاثية للعائد الثابت اللي بيطرحها تحت اسم (Premium): بسعر فايدة 18% سنوياً وبيصرف العائد شهرياً، وحدد البنك بيع الشهادة من أول مليون جنيه كحد أدنى ومضاعفات الألف جنيه.
ولسه مكملين معاكم وبنروح لبنك القاهرة واللي اعلن عن طرح شهادة ثلاثية للعائد الثابت ووصل سعر الفايدة للشهادة 19% سنويا وبيصرف العائد شهريا، والحد الأدنى لشرا الشهادة بيبدأ من مليون جنيه.
واخيرا بنروح معاكم لبنك أبو ظبي الأول واللي اعلن عن طرح شهادة ادخار آجل 3 سنوات للعائد الثابت "إيليت": وسجل سعر الفايدة السنوي للشهادة 18% ذات العائد الشهري، بشرط أن الحد الأدنى لشراء الشهادة ميقلش عن 2.5 مليون جنيه.
