الحق قدم.. تفاصيل الطرح الجديدة لشقق الإسكان الإجتماعي بالعاصمة الإدارية الجديدة

شقق الإسكان الإجتماعي بانواعها المختلفة واحدة من اهم الخدمات الجماهيرية اللي بتقدمها الوزارة للمواطنين، وفقا لاختلاف مستوياتهم، خصوصا ان الوزارة بتقدم انواع مختلفة من الشقق اللي بتناسب كل طوائف المجتمع سواء محدودي ومتوسطي الدخل والفئات الأعلي .. ومؤخرًا الوزارة اعلنت عن طرح فئة جديدة من الشقق في العاصمة الإدارية الجديدة.. يا تري اية ظروف الطرح الجديد ده واسعاره كمان وازاي نقدر نقدم عليه.

حاليا كل الناس بتبحث عن المواقع الخبرية ومواقع التواصل الإجتماعي والصفحات الرسمية لوزارة الإسكان وسكن الإسكان الإجتماعي عن موعد الطرح الجديد لشقق الاسكان بمختلف انواعها سواء كان اسكان متميز او محدود الدخل او شقق العلمين الجديدة او الانواع التانية اللي بتطرحها الوزارة من وقت للثاني.
بس في الوقت الحالي الوزارة اعلنت عن طرح جديد للشقق السكنية لكن المرة دي في العاصمة الإدارية الجديدة، وتحديدا في منطقة  R3 بالعاصمة الإدارية الجديدة.
طيب اسعار المتر في الشقق دي كام وازاي نقدر نقدم عليها؟.
صندوق الإسكان الإجتماعي حدد سعر المترو في شقق العاصمة الإدارية الجديدة بسعر 15970 جنيه وده بخلاف نسبة التميز، والمساحات بتترواح من 114 و 136 و140 مترًا.
طيب اية هيا انظمة السداد وازاي اقدر ادفع الرسوم المقررة وهل في تقسيط ولا لا؟.
صندوق الإسكان الإجتماعي حدد برضوا انضمة سداد شقق الإسكان في العاصمة الإدارية، واشترط سداد 20% من إجمالي قيمة الوحدة كمقدم حجز، بالإضافة الي سداد 1% مصاريف إدارية، وسداد 0.5% من قيمة الوحدة كمجلس أمناء، وسداد 10% من قيمة الوحدة وقت الاستلام، ده بخلاف سداد وديعة الصيانة المقررة بواقع 5% من قيمة الوحدة، واخيرا سداد قيمة تقديرية (1% من قيمة الوحدة) لأعمال الصيانة عن العام الأول من تاريخ الاستلام تحت الحساب بتسدد مقدمًا عند التعاقد لحين تحقيق عائد للوديعة، وهتستخدم للعام التالي.
الصندوق كمان أعلن عن اجراء تسوية في نهاية العام، وباقي ثمن الشقة واللي هيوصل لـ 70% هيقسط على أقساط ربع سنوية متساوية بحد أقصى 7 سنوات محملة بالأعباء البنكية اللي هيا سعر الفائدة المعلن من البنك المركزي بالإضافة لـ 2% وزارة المالية و 0.5% مصاريف إدارية، ده غير تقديم شيكات آجلة بقيمة الأقساط قبل الاستلام، والقسط الأول يكون مستحق الدفع بعد 3 أشهر من تاريخ الاستلام.
وعلشان نكون عارفين ان R3 هو اول مقصد بأنه أول مشروع سكني كامل التشطيب فيي منطقة  R3 في العاصمة الإدارية الجديدة، وده أحدث المشروعات التي أطلقتها شركة سيتي إيدج للتطوير العقاري واللي كانت حريصة على اختيار موقع ممتاز بقلب العاصمة يكون سهل منه عمليات الانتقال منه وإليه لقربه من أهم الطرق والمحاور الرئيسية.