كواليس اقرار موازنة “نص الليل”.. إيه اللي بيحصل فى أمريكا؟

فى الساعات الأخيرة كان فيها معركة طاحنة فى الولايات المتحدة الأمريكية حوالين الموازنة الجديدة اللى اتسببت فى خلاف كبير بين المجالس التشريعية النواب والكونجرس من ناحية وبين ادارة الرئيس الامريكي جو بايدن بشكل كان بيهدد بتوقف الحياة في امريكا فيا ترى ايه اللى بيحصل فى أكبر بلد فى العالم؟ وليه مجلس الشيوخ كان رافض يقر الميزانية اللى قدمها البيت الأبيض؟

بعد مفاوضات شاقة وناقشات محتدمة وافق الكونغجرس الأمريكي بأغلبية كبيرة على مشروع ميزانية بقيمة 1.2 تريليون دولار.. ويبحافظ قرار  الكونجرس على تمويل الحكومة خلال السنة المالية الي بدأت قبل 6 شهور وتم ارساله إلى الرئيس جو بايدن للتوقيع عليه ليصبح قانون ويجنب الحكومة إغلاقا جزئي كان بيهدد الاقتصاد الامريكي بقوة فى الايام اللى فاتت.

وكان فيه مشكلة كبيرة من شهور فى امريكا في التبني النهائي للموازنة بسبب مشاحنات حزبية، بين معسكر الرئيس الديمقراطي جو بايدن وبعض الجمهوريين، المؤيدين لعقيدة صارمة جداً في الموازنة.

وآخر مرة حصل فيها إغلاق جزئي للحكومة الاتحادية كانت خلال رئاسة دونالد ترامب في الفترة من 22 ديسمبر2018 إلى 25 يناير2019..وكان التوقف اللي استمر لفترة غير مسبوقة سببه اصرار ترامب على توفير أموال لبناء جدار على طول حدود الولايات المتحدة مع المكسيك بس فى الآخر فشل فى التوصل لاتفاق مع الديمقراطيين.. لكن بايدن وحكومته نجحوا فى اللحظات الأخيرة فى تجنب السيناريو الأسود.

قرار الكونجرس بالموافقة على الموازنة الجديدة تم بأغلبية 74 صوت لصالح القرار مقابل 24 ضده… ووفقا للقرارا هيستمر تمويل أجهزة حكومية هامة زي وزارات الأمن الوطني والعدل والخارجية والخزانة لغاية 30 سبتمبر بعد إقرار المشروع في مجلس الشيوخ صاحب الأغلبية الديمقراطية

اللافت فى الموازنة اللى اقرها الكونجرس انها لم تتضمن تمويل معظم المساعدات العسكرية لأوكرانيا وتايوان وإسرائيل اللى كانت فى مشروع قانون مختلف أقره مجلس الشيوخ وتجاهله مجلس النواب اللي بيقوده الجمهوريين.

طب ايه اللى كان ممكن يحصل لو ما تمش اقرار الموازنة الأمريكية؟

قائمة العواقب المحتملة لشلل الدولة كانت هتطول قطاعات مهمة وهيكون ليها ضرر بالغ زي عدم قدرة الحكومة على دفع رواتب العسكريين وعناصر الأمن وموظفي النقل، وتوقف إدارات، وتجميد بعض المساعدات.