صدمة الخميس.. البنزين زاد ليه وايه اللي هيحصل

 
 
قبل الخميس مايخلص لجنة تسعير المواد البترولية طلعت قرار بزيادة أسعار  البنزين جنيه واحدً، وبكده وصل سعر  لتر بنزين 80 بعد الزيادة 11 جنيها ووصل سعر اللتر بنزين 92 بعد الزيادة 12.50 جنيه ووصل سعر لتر بنزين 95 بعد الزيادة 13.5 جنيه.

كمان لجنة تسعير المواد البترولية حددت زيادة سعر السولار جنيه و75 قرشًا للتر الواحد وبكده هيوصل سعر لتر السولار 10 جنيه بجانب زيادة سعر أنبوبة غاز البوتاجاز سعة 12.5 كيلوجرام، من أرض المستودع للمستهلك من 75 جنيها إلى 100 جنيه بزيادة 25 جنيه .. وهيبدأ تطبيق قرار الزيادة من منتصف ليل الجمعة.

طيب ايه الي بيحكم أسعار المنتجات البترولية الجديدة.. فيه اكتر من عامل بيحدد بناء عليهةاللجنة قراراها منها المتغيرات العالمية والإقليمية من الأحداث السياسية والمؤشرات الاقتصادية اللي بيكون ليها تأثير مباشر وغير مباشر على زيادة الأسعار العالمية للمنتجات البترولية وأسعار خام برنت.

ووزارة البترول اعتمدت آلية التسعير التلقائي للمواد البترولية  منذ يوليو 2019  وبتستهدف الآلية تعديل أسعار بيع المنتجات فى السوق المحلى إرتفاعًا أو إنخفاضًا كل ربع سنة وفق للتطور لأهم عاملين مؤثرين فى تكلفة إتاحة وبيع  المنتجات فى السوق المحلى وهما السعر العالمى لبرميل خام برنت وتغير سعر الدولار أمام الجنيه بخلاف الأعباء والتكاليف الأخرى الثابتة.
طبعا زيادة أسعار البنزين والسولار بيكون ليه تداعيات على ارتفاع تكلفة النقل وزيادة اسعار المواد الغذائية اللي بتعتمد على النقل وعلى السولار في الزراعة.