الاتحاد الأوربي داخل مصر بتقله.. مليارات الدولارات تهبط على القاهرة

يا ترى ايه حكاية الاتحاد الأوربي مع مصر ؟ وليه الاتحاد قرر تقديم تمويل ضخم للحك ؟ وايه فوايد رفع مستوى العلاقات معانا إلى الشراكة الاستراتيجية؟

بكره ان شاء الله هيوصل مصر وفد رفيع المستوى من الاتحاد الأوربي بيضم رئيسة المفوضية الأوروبية أورسولا فون دير لاين وعدد من المسؤولين الكبار منهم رؤساء وزراء إيطاليا واليونان وبلجيكا.

من المقرر أن الاتحاد يرفع علاقته مع مصر إلى وضع "الشراكة الاستراتيجية" ودي خطوة ممكن تؤدي إلى تمويل واستثمارات بمليارات اليوروهات لمصر.

ووفقا لتقارير صحفية غربية بيدرس الاتحاد الأوروبي  تقديم حزمة مساعدات إلى مصر بقيمة إجمالية تقارب 7.4 مليار يورو ما يوازي (8.1 مليار دولار

و ضخ الأموال دي كن الاتحاد الأوربي هيكون عبارة عن مزيج من المنح والقروض لمساعدة مصر اللي يبننظر ليها من الدول الغربية على ان استثرارها ركيزة اساسية لاستقرار الشرق الأوسط

وهيتمزالاعلان خلال ساعات عن ان الاتحاد الأوروبي مستعد لدعم الاقتصاد المصري في الوقت المناسب لأنه بيواجه ضغوطا متزايدة على ميزان المدفوعات

ويهدف الاتحاد الأوروبي إلى ضخ استثمارات بقيمة 5 مليارات يورو من القطاع الخاص في مصر في صناعات زي الهيدروجين الأخضر والزراعة وإدارة المياه.

طب ليه قرر الاتحاد دعم مصر دلوقتي ؟

من بعد العدوان الاسرائيلي على غزة ونظرة العالم كله لمصر اختلفت والكل عرف وادرك قيمة ومكانة مصر ودورها المحوري في حفظ الاستقرار في الشرق الأوسط وكل قادة أوربا اللى زاروا مصر وقابلنا الرئيس السيسي عرفوا إن خيوط اللعب في المنطقة ومفاتيحها مع مصر وعشان كده اتغيرت وجهة نظر مؤسسات التمويل تجاه مصر وبدأنا نسمع تن أهمية دعم مصر ويساعدها للخروج من الأزمة الاقتصادية اللى بتمر بيها وكمان تقديم تمويل إضافي زي ما حصل من صندوق النقد اللي رفع تمويل لمصر من ٣ إلى ٨ مليار دولار بالإضافة إلى تحويلات اضافية من البنك الدولي ومؤسسات تانية بقيمة تصل إلى ١٢ مليار دولار وطبعا كل دس سيولة دولارية ساهمت في حل أزمة نقص العملة الأجنبية وخلت أسعار الدولار تهبط من ٧٠ جنيه إلى حوالي حدود ٤٧ جنيه وتم اختفاء السوق السودا للعملة