لو خاطب او عايز تتزوج.. شوف نصائح الخبراء عن الوقت المثالي لشراء الذهب

 
فترات الأعياد واحدة من اهم موسم الزواج واللي بتشهد اقبال كبير من الشباب علي شراء الذهب للخطوبة والزواج، خصوصا ان الفترة دي اسعار الذهب في المتناول بعد ما ارتفعت وتخطت حاجز الـ4000 جنيه في الفترة اللي فاتت بعد ضربة الحكومة لأزمة نقص الدولار في مصر وكتابة شهادة وفاة السوق السودا تمامأ.. يا تري اية نصائح خبراء الاقتصاد للشباب في الوقت الحالي هل يشتروا دلوقتي ولا يستثنوا شوية يمكن الاسعار تنزل الفترة اللي جاية.
 

بعد القرارات الاقتصادية اللي اخذتها الحكومة في الفترة اللي فاتت واهمها توقيع الحكومة صفقة الاستثمار السياحي في راس الحكمة باستثمارات هتوصل لـ35 مليار دولار هتدخل جزينة البنك المركزي بشكل مباشرة، وفعلا مصر استقبلت منهم 10 مليار دولار، ده غير تنازل الأمارات عن 11 مليار دولار كانوا وديعة عندنا هنا في البنك المركزي، وفي 16 مليار هيدخلوا بعد شهرين لخزينة البنك المركزي، والاسعار كلها نزلت بشكل كبير بعد الحكومة وفرت الدولار بسعره الرسمي في البنوك وبقي متاح للتجار والمستثمرين والموردين .
الذهب واحد من الحاجات اللي سعرها نزل بشكل كبير خصوصا ان سعره وصل للفترات اللي فاتت لاكثر من 4000 جنيه، ودلوقتي سعره نزل باكثر من 1000 جنيه لسعر الجرام عيار 21 والأكثر بيعا في الاسواق .
من بعد نزول اسعار الذهب، والناس كلها بتسال هل الذهب هينزل ثاني ولا هيستقر علي الاسعار دي، ولا هترفع الفترة اللي جاية؟.
هاني ميلاد رئيس شعبة  الذهب في الغرفة التجارية بالقاهرة، توقع استقرار أسعار الذهب في الفترة اللي جاية وبنفس معدلات الأسعار الحالية بشرط استقرار سعر صرف العملات الاجنبة مقابل الدولار، ده غير استقرار السعر العالمي للمعدن الأصفر.
رئيس شعبة  الذهب في الغرفة التجارية بالقاهرة، قال كمان لو حصل ارتفاع في السعر العالمي للذهب، فمن المحتمل أن يحصل ارتفاع عن المعدل الطبيعي للسعر الحالي خصوصا ان مفيش معياد ثابت لشراء الذهب أو بيعه وأن الاستثمار في الذهب هو استثمار طويل المدى. 
هاني ميلاد وجه نصيحة للناس اللي معاها ذهب وحست انها خسرت فيه، وقال أن المواطنين علشان يحققوا هامش ربح كويس من الذهب لازم يحتفظوا بيه فترة طويلة واقل مدة توصل لسنة علي الاقل، خصوصا ان في عوامل كتيرة بتتحكم في أسعار الذهب عالميا اولها العوامل الاقتصادية والسياسية والجيوسياسية .
طيب اية هيا نصائح الخبراء علشان يتاكدوا متنصبش عليهم لا اشتروا ذهب مغشوش.
هاني ميلاد رئيس شعبة  الذهب في الغرفة التجارية بالقاهرة، وجه نصيحة للمواطنين اللي معاهم فلوس وعايزين يتسثمرهم في الذهب خصوصا انه في ناس كتير مش بتحب تحط فلوسها في البنوك، ده غير المخاوف اللي عند الناس من الاستثمار في التجارة بسبب المتغيرات اللي موجودة حاليا في السوق المصري وصعود ونزول الاسعار، ونصح المواطنين باهمية الحصول علي من البائع على فاتورة ضريبية تحتوى على رقم السجل التجاري ورقم البطاقة الضريبية والفاتورة ويكون فيها سيريال نمبر وتكون الفاتورة أصل وظهر مكربنة .