الدولار يواصل السقوط.. ايه اللى بيحصل في سوق صرف العملات؟

يا ترى ايه اللى بيحصل فى سوق صرف العملات الأجنبية ؟ وليه سعر الدولار بينهار كل يوم ؟ وامتى السوق دي تنتهى تماما  فى مصر؟

فى الساعات اللى فاتت واصل سعر صرف الدولار انهياره في السوق السودا مقابل الجنيه المصري وخلال التعاملات الأخيرة كشف متعاملون فى السوق عن تداول العملة الأمريكية فى مستويات أقل من 47 جنيه فى زقت بيواصل فيه الجنيه المصري ارتفاعه أمام الدولار في البنوك وجرى تداول الدولار فى البنوك بمستويات أقل من 48 جنيه .. وده بعد أيام قليلة من قرار البنك المركزي بتحريك أسعار صرف الدولار مقابل الجنيه في إطار تضييق الخناق على السوق الموازية والقضاء على المضاربات اللي كانت سبب في ارتفاعات غير منطقية بأسعار صرف الدولار في السوق السودا.

وفي أكبر بنكين من حيث الأصول والتعاملات استقرت أسعار صرف الدولار لدى البنك الأهلي المصري عند مستوى 48.75 جنيه للشراء، و48.85 جنيه للبيع وفي بنك مصر سجل سعر صرف الدولار نحو 48.77 جنيه للشراء، و48.87 جنيه للبيع.

وفي البنوك الخاصة استقر سعر الدولار في البنك التجاري الدولي – مصر عند مستوى 48.75 جنيه للشراء، و48.85 جنيه للبيع.. وفي مصرف أبوظبي الإسلامي، استقر سعر الدولار ليسجل 49.13 جنيهً للشراء، و49.23 جنيه للبيع.

وفي البنك المركزي المصري، استقر سعر صرف العملة الأمريكية عند مستوى 48.71 جنيه للشراء، و48.85 جنيه للبيع.

وعلى صعيد العملات الرئيسية استقر سعر صرف العملة الأوروبية الموحدة اليورو عند مستوى 53.24 جنيه للشراء، 53.39 جنيه للبيع لدى البنك الأهلي المصري وفي بنك مصر استقر سعر صرف اليورو عند مستوى 53.17 جنيه للشراء، و53.47 للبيع.

وفيما يتعلق بالعملات العربية سجل سعر صرف الريال السعودي مستوى 12.99جنيه للشراء، و13.02 جنيه للبيع لدى بنوك الأهلي المصري وبنك مصر.. واستقر سعر صرف الدرهم الإماراتي عند مستوى 13.28 جنيه للشراء، و13.30 جنيه للبيع..فيما بلغ سعر صرف الدينار الكويتي نجو 158.15 جنيه للشراء، و159.03جنيه للبيع.

نيجي بقا للسؤال الأهم .. امتى السوق السودا للدولار ممكن تنتهى تماما فى مصر؟

الدولة شغالة كويس جدا فى الاتجاه ده وخلال فترة قليلة هتنتهتى تماما ظاهرة وجود أكتر من سعر للدولار والسعر المعلن فى البنك المركزي والبنوك المصرية هو اللى هيكون السعر الرسمي للعملة الأمريكية بس طبعا ده هياخد شوية وقت لغاية ما البنوك تبدأ تلبي طلبات الشركات والمستوردين والدولار يتوفر بكثافة فى القطاع المصرفي ووقتها مش هيكون فيه ضرورة اصلا لوجود السوق الموازية