صدمة لسوق العربيات في مصر.. والاوفر برايس السر الخفي

 
العربيات واحدة من اهم الحاجات اللي اسعارها زادت في الفترة الاخيرة بشكل رهيب وتضاعف اسعار العربيات مرات المرات خصوصا مع ارتفاع اسعار بيع الدولار في السوق السوداء في الاسابيع اللي فاتت، يا تري اية الجديد في اسعار العربيات.. واية حكاية الاوفر برايس ده.

من فترة طويلة وسوق العربيات في مصر بيعاني من حالة ارتباك شديدة بسبب الارتفاعات غير المسبوقة في الأسعار واللي ادت الي توقف القدرة الشرائية لعدد كبير من المواطنين.
طيب اية اللي هيحصل في سوق العربيات في مصر في الفترة اللي جاية؟.

خبراء السيارات في مصر، توقعوا استمرار ارتفاع الأسعار خلال العام الجاري علي الرغم من تراجع الدولار في السوق السوداء، وده بسبب قلة المعروض منها، وعدم قدرة الشركات على توفير العملة الصعبة للاستيراد.
الخبراء كملوا كلامهم وقالوا أنه مع بداية 2024، اسعار السيارات شهدت زيادات كبيرة وصلت إلى 850 ألف جنيه، وده بسبب حالة من الفوضى التسعيرية من الوكلاء واشتعال ظاهرة الأوفر برايس على اغلب السيارات سواء المستوردة أو المجمعة محليا، وكله ده بسبب قلة المعروض في السوق .
الخبراء قالوا كمان، انه من الزيادات اللي ورا بعضها من الوكلاء والزيادة الغير طبيعية في الأوفر برايس من الموزعين والتجار، ووصل اقل سعر للسيارات الاقتصادية في السوق المصري لأكثر من مليون جنيه.
طيب اية حكاية الاوفر برايس ده؟.
الاوفر برايس ده عبارة عن مبلغ إضافي بيضيفه التجار على الأسعار الرسمية للسيارات مقابل البيع وده بيكون بدل ما العميل ينتظر شهور طويلة علي العميل يستلم من الوكيل بالأسعار الرسمية.

طيب اسعار العربيات رايحة علي فين في الايام اللي جاية؟.
اللواء حسين مصطفى الخبير والمدير التنفيذي السابق لرابطة مصنعى السيارات توقع استمرار زيادة أسعار السيارات في السوق المصري نتيجة عدم توافر المعروض بالسوق، وان انخفاض اسعار العربيات متوقف على توفير طرازات للمستهلكين، وده مش هيتحقق الا في حالة الدخول في خطة تجميع السيارات محليا لحل أزمة المعروض فى السوق والسيطرة على نزيف العملة الاجنبية في الاستيراد.

المدير التنفيذي السابق لرابطة مصنعى السيارات كمل كلامه وقال أن انخفاض سعر الدولار قدام الجنيه في السوق السودا مش هيبان في الوقت الحالي علي أسعار السيارات في مصر، لأنه سعر الدولار لأزم ياخذ فترة علشان يستقر بشك كامل ممكن توصل لاسابيع او شهور، وبعدها هتكون في هبوط في أسعار السيارات بشكل كويس.
اللواء حسين مصطفي قال، أن العوامل اللي رفعت اسعار العربيات في السوق المصري هيا زي ما هيا لحد وقتنا هذا، ومتغيرتش واولها انه مفيش مصادر لتوفر الدولار لفتح اعتمادات مستندية عن طريق البنوك وزيادة سعر الدولار مقابل الجنيه فى السوق السوداء، ده غير الاضطرابات السياسية اللي بتشهدها منطقة البحر الأحمر واللي سببت في تأخير وصول الشحنات لشهور طويلة .
طيبة الخطوات الي عملتها الحكومة ملهاش تاثير علي اسعار االسيارات؟.
خبير السيارات قال أن الحل الوحيد لأزمة سوق السيارات المصري قايمة علي ضررة دخول مصر للتجميع المحلي، وأن كل الاتفاقيات اللي وعقدتها الحكومة لسه مبدئية وفي مرحلة مبكرة جدا ومش عقود علي عمليات تجميع محلي.