عودة الدولار الشارد وليه الدولار بينزل في البنوك.. ومصير المعروض من العملة

ايه اللي بيحصل في البنوك المصرية وايه حكاية الدولار الشارد والظاهرة الللي رجعت تاني وليه الدولار بينزل في البنوك.. كل ده هنعرفه مع بعض في الفيديو ده
 

زي مااحنا عارفين إن الدولة أو الحكومة فقدت سيطرتها على سوق الدولار في الشهور الأخيرة وفقدت 10 مليار دولار مثلاً من  تحويلات المصريين بالخارج واللي عرفت طريقها للسوق السودا ودي كانت ضربة قوية للسوق المصرفي المصري واللي كان بيعاني من حالة جفاف لكن الوضع اتغير تماما بعد قرارات التعويم وانهيار السوق السوداء للعملة تماما وشفنا إزاي الدولار في البنوك بقي اعلي من السوق الموازية ولو حد كان قالك كده قبل أيام كنت قلت عليها تخاريف..
رجعت كفة الميزان تستقيم بعد تحرير سعر الجنيه واخر الاخبار والبيانات بتقول إن تحويلات المصريين العاملين بالخارج  بدأت ترجع البنوك زي الاول وده معناه إن حصيلة الدولار في البنوك من التحويلات هيزيد 10 مليار دولار وهو المبلغ اللي فقدته البنوك في السنة اللي فاتت العام الماضي، واللي سجلت 22 مليار دولار مقابل أعلى مستوى سجلته خلال 2022، ووصل وقتها 31.6 مليار دولار، حسب البيانات الرسمية.
طبعا معروف إن البنوك مش بتاخد دولارات المصريين بالخارج لأنها في النهاية هي دولارات للمواطنين وعشان كده مش بتحسبها في الموازنة العامة لكن تدفقها بينعش القطاع المصرفي وسوق صرف الدولار وبتعتبر عملات إضافية في السوق.. طيب ليه الدولار بينزل في البنوك.. شوف حضرتك ده ليه سببين الأول طبعا هو استمرار تدفق العملة الصعبة وبكميات كبيرة على البنك المركزي من اكتر من اتجاه وآخرها عودة تحويلات المصريين بالخارج وتاني حاجة هو نهاية زمن المضاربة على الدولار في السوق السودا وهيفضل ينزل طول ما فيه اخبار كويسة عن الاقتصاد والتدفقات وتساوي الطلب مع العرض وبعدها الوصول لمعادلة قلة الطلب مقابل العرض وهنا الجنيه هياخد سعره الطبيعي في سوق العملات.