بشري للمواطنين بخصوص قطع الكهرباء في شهر رمضان

تخفيف الاحمال وقطع الكهرباء عن البيوت، وخصوصا اننا في شهر رمضان موضوع شاغل بال ناس كتيرة، يا تري اية اللي هيصحل في موضوع تخفيف الاحمال وقطع الكهرباء عن المواطنين.. واية الجديد بعد عيد الفطر

ازمة تخفيف الاحمال علي الشبكة القومية للكهرباء واحدة من اهم المشاكل اللي شغالة بال ناس كتيرة من المصريين، خصوصا انه جت علينا في عز شهور الصيف وكملت معانا كمان في فصل الشتاء وواضح انها مكملة معانا في فصل الربيع، وربنا يسترها علينا في الصيف واللي بتكون فيه الاحمال مرتفعة جدا مع تشغيل التكييفات والمبردات والمرواح.
طبعا انت دلوقتي بتقول انت اخذتي في دوكه، ودخلت معايا الفصول في بعضها، وخليني في شهر رمضان دلوقتي وبعد كده يحلها ربنا، احنا دولوقتي هنمشي واحدة واحدة، وهنبدا من شهر رمضان، والحكومة أعلنت عن وقف تطبيق جداول تخفيف الاحمال مؤقتا طول شهر رمضان مراعاة لظروف المواطنين واقامة الشاعر الدينية المختلفة من اقامة الصلاة والتسابيح المحتلفة وصلاة التراويح وممارسة الروحانيات المختلفة.
طيب الخطة اللي شغالين بيها دلوقتي هتستمر لحد امتي؟.
مجلس الوزراء اعلن وقف تنفيذ خطة تخفيف الاحمال طوال الـ30 يوم بتوع شهر رمضان، وفعلا وزارة الكهرباء والطاقة المتجددة بعتت لمركز التحكم القومي وابلغته بوقف تنفيذ جداول تخفيف الاحمال اللي كنا شغالين بيها من شهر يوليو لسنة 2023، والمركز بلغ شركات الكهرباء التسعة علي مستوي الجمهورية والمسئولة عن التحكم في الكهرباء في كل محافظات الجمهورية بوقف العمل بجداول تخفيف الأحمال.
طيب اية اللي هيحصل بعد انتهاء شهر رمضان؟.
مصادر بوزارة الكهرباء والطاقة المتجددة أكدت انه وقف العمل بجداول تخفيف الحمال مستمر معانا طول شهر رمضان وكمان اجازة عيد الفطر، وان مجلس الوزارة هيعقد اجتماع خلال الفترة اللي جاية لمناقشة هل هنكمل وقف تنفيذ جداول تخفيف الاحمال ولا هنرجع نشتغل بيها مرة تانية، ولو هنشتغل بيها مرة تانية يا تري هنشتغل زي ما كنا في الشهور اللي فاتت ساعتين كاملين ولا هيتم تخفيفها لساعة واحدة بس.
طيب اية هيا جداول تخفيف الاحمال اللي كنا شغالين بيها قبل وقف تنفيذ تخفيف الاحمال؟.
قبل قرار مجلس الوزراء بوقف عمل خطة تخفيف الاحمال، مركز التحكم القومي كان معتمد الخطة المقررة من مجلس الوزراء بتطبيق تخفيف الاحمال من الساعة 11 صباحا وحتي الساعة 5 مساءا، وده كان بناء علي الطلب اللي تقدم بيها اعضاء مجلس النواب لمجلس الوزراء بتعديل خطة تخفيف الاحمال القديمة واللي كانت بتبدا من الساعة  10 صباحا وحتي الساعة 1 صباحا، ومجلس الوزراء وافق علي طلب اعضاء مجلس النواب وعدل خطة تخفيف الاحمال وبقت بتتطبق من الساعة 11 صباحا وحتي الساعة 5 مساءا، علشان كنا في فترة امتحانات نصف العام الدارسي.
طيب ليه في مناطق الكهرباء مش بتقطع فيها وبتقطع في مناطق ثانية؟.
قرارات تخفيف الأحمال استثنت المناطق الحيوية والاستراتيجية واللي فيها مراكز لاقسام الشرطة او محاكم او قطاعات تابعة للجيش والشرطة وغيرها من المؤسسات والوزارات والمستشفيات من تطبيق خطة تخفيف الاحمال، علشان كده هتلاقي بيوت الكهرباء أو شوارع الكهرباء مش بتقطع فيها ودول علشان موجود علي محولات بتغذي منطقة او وزارة او مستشفي او اي مكان استراتيجي مش خاضع لخطة تخفيف الاحمال .