الأسعار والدهب والعربيات… إيه اللي هايحصل الساعات الجاية بعد تحرير الصرف؟
الجنيه بيستقر ياجماعة.. بعد ساعات من القرار التاريخي بتاع تحرير سعر الصرف ونجاح مصر في إنها تاخد برنامج موسع من صندوق النقد بـ 8 مليار جنيه، وبعد أيام من صفقة راس الحكمة… الاقصاد المصري بيقف على رجله تاني.. والمرة دي مش محتاجين فترة طويلة عشان نقيس الفرق… تعالى معانا في رحلة بسيطة مع تفصيلة، نعدي معاك على محطة محطة نجاوبك على سؤال مهم: ماذا بعد تحرير سعر الصرف،،،، الأسعار والدهب وفرص العمل وكل حاجة ممكن تبقى في بالك… هانتكلم فيها بالرقم والمعلومة.
أولا كل البيانات الرسمية بتقول إنه العملة المصرية استقرت عند نحو 49.5 جنيه للدولار (((((الرقم قابل للتحديث مع وقت تسجيل السكريبت)))))) .. وده مع فتح السوق اليوم الخميس، بعد يوم من سماح البنك المركزي للعملة بالانخفاض،،، وبعد ساعات من الوعد بالتحول لنظام صرف أكتر مرونة،،، ومش بس ده كده ده أحنا نجحنا في اتفاق مع صندوق النقد على برنامج موسع بقيمة 8 مليارات دولار … هايقولك ياعم ديون تاني،،، ياعم البنك ده مابيجيش من وراه خير… هانقولك أصبر علينا… ونفكرك بالقاعدة البسطية اللي انت شخصيا بتطبقها في حياتك،،، الدوا المر اللي بتاخده هو أكتر دوا بيخففك ويوقفك على رجلك بسرعة.. وإحنا اللي جاي ان شاء الله مافيهوش مراره خالص.. إمال فيه إيه ؟؟؟
فيه إن أكبر وأهم المؤسسات المالية في العالم زي بنك "جي بي مورجان" بيقول النهاردة إن السوق المصرية عادت للانطلاق مرة تانية… وإن تحرير سعر الصرف ورفع الفايدة عامل تحفيز كبير على شراء أذون الخزانة.. وكمان كبار المسؤولين في البنك قالوا إحنا بقينا متأكدين إن فرص التجارة في مصر رجعت لبؤرة الاهتمام مرة تانية… وإن اللي بيحصل دلوقتي في مصر مختلف…
مختلف لأن بقى في محفزات حقيقية كلنا كنا مستنينها عشان الاقتصاد المصري ينهض بقوة.
ومن ردود الفعل الهايلة برده إن بورصات لندن طلعت بيانات مهمة عن مصر… وقالت أن الجنيه بقي في نفس النطاق اللي بيتسقر فيه بشكل طبيعي من غير مايبقى في فروقات كبيرة عن الأسواق الموازية.. وإن سعر الصرف بقى مرن… وإن دي حاجة مهمة جدا حصلت في مصر بالفعل علشان كل المستثمرين يقدروا يستعيدوا ثقتهم بعد سنتين من عدم الاستقرار في سوق العملة الأجنبية…
طب ندخل عالمهم بسرعة، طمنونا عالأسعار والسلع والدهب هايبقى بكام والعربيات هاترخص قد إيه؟
لما نيجي نشوف السلع والأسعار، هانلاقي إن شعبة المواد الغذائية بغرفة القاهرة التجارية، بتقول هاتشوفوا فرق في الأسعار، وده ببساطة لأنه لما يحصل إفراج عن السلع المحجوزة بسبب الدولار، هايبقى في وفرة ومافيش شح للسلع… وإنه آليات السوق والعرض والطلب بعد قرار البنك المركزي،هاتنهي جميع الأزمات اللى تعرضت لها أسواق السلع الغذائية خلال الفترة الماضية.
ووعدت الشعبة عالاقل إنه مش هايحصل الارتفاعات والقفزات اللي ورا بعضها في الأسعار اللي كانت بتتغير كل يوم والتاني
أما شعبة الأجهزة الكهربائية بالغرفة التجارية بالجيزة، فبتقول إن كتير من السلع وقع من عليها "الأوفرباريز" بعد تراجع سعر الدولار في السوق السوداا…و إن أسعار الأجهزة الكهربائية هاتبدأ في الانخفاض بحوالي 20% خلال الفترة المقبلة…. وقالوا إن التخفيض الكبير الحقيقي في الأسعار الناس هاتبدأ تحس بيه بس بعد عيد الفطر… وده ليه.. ده بس على ما المصانع المصرية توفر مستلزمات الإنتاج وتبدأ خطوط العمل تستقر تاني وتفرج عن المستلزمات للجمهور بأسعار طبيعية جدا…
وبخصوص العربيات … كبار الخبراء بيقولوا أن أسعار السيارات الجديدة هتنزل بنسب تصل إلى 30%، وأنها هتكون من أكبر التخفيضات في السنين الأخيرة… وأنه بقى متوقع في الايام القليلة الجاية إعادة فتح الاعتمادات المستندية للمستوردين من البنك المركزي، و ده من العوامل الرئيسية اللي هاتوفر عربيات كتير يعني وفرة في المعروض وتقضي عالاوفربرايس خالص.
والعقارات برضو… كتير من المطورين العقاريين الكبار بيقولوا إن الفترة الجاية هاتشهد عروض حقيقية من قبل الشركات العقارية.. بتتمثل فى إطالة فترات السداد وتقليل نسب المقدم، ده غير عروض تانية هايشهدها السوق العقارى المصرى بعد قرار البنك المركزى الأخير.
بس لما نييجي نتكلم عن الدهب بقى… لازم نبقى عارفين إن الدهب حدوتة مختلفة شوية… الدهب سلعة عالمية حساسة، بتتأثر بشكل سريع بكل العوامل والأحداث الاقتصادية والسياسية العالمية أكتر من المحلية كمان… وإنه عكس سلع كتير….
الدهب علشان يستقر بيحتاج يوصل لمراحل طويلة شوية من مواجهة التضخم وتوفير العملة الأجنبية والقضاء على المضاربات.. بس الأكيد إن الاستقرار والهدوء النسبي في سوق الدهب برده هايحصل هايحصل بعد القرارات الأخيرة، بس في الدهب هي مسألة وقت.
وهنا لازم نقول إنه في الوقت اللي الدولة فيها هاتاخد شوية مكاسب محترمة من بعد قراراتها الأخيرة، وطبعا المواطن معاها هايحس بده…. الخسارة والندب بقى فين ؟؟؟ في استجابة السوق السودا… وحالة الارتباك اللي حصلت هناك ظهرت في أول تداولا للدولار الأميركي بعد حزمة القرارات … والكل بقى متأكد إنه دخلت السوق السوداء للصرف في موجة ركود عنيفة مع اختفاء غالبية التجار والمضاربين…. واللي لازم تكون متأكد منه إنه لسه التأثيرات الإيجابية جاية كتير… وإن اللي حصل ده كان وراه عقول كبيرة ومحترفة وبتتحرك في الوقت المناسب، ولما تيجي تفتكر حركة زيادة المرتبات والحد الأدنى، ثم صفقة راس الحكمة، ودلوقت تحرير الصرف والإفراج عن السلع واتفاق صندوق النقد… هاتتأكد إن الخطوات بتتعمل صح ولمصلحتك، وإن الصبر حلو،،، واللي جاي لينا كلنا أحلى وأفضل.
