خبر سار لاقتصاد مصر في ١٩ أبريل.. يا ترى ايه اللي هيحصل؟

يا ترى ايه اللي هيحصل يوم ١٩ أبريل؟ وايه الخبر الحلو اللي في انتظار الاقتصاد المصري في اليوم ده؟ وليه الأيام الجاية بتحمل الخير لمصر؟

خلال شهر  و١٠ ايام من دلوقتي وتحديدا يوم ١٩ أبريل فيه خبر سار بينتظر الاقتصاد المصري خبر هيغير كتير من أحوال السوق وهيقدم دعم كبير جدا لمناخ الاستثمار 
وفي اليوم ده من المقرر أن يتم التحديث الجديد لتصنيفات ستاندرد أند بورز لمصر في 19 أبريل وطبعا التصنيف الجديد هيكون إيجابي وفي صالح مصر بعد التغيير الجذري اللي حصل بعد صفقة رأس الحكمة والاتفاق الجديد مع صندوق النقد الدولي.

واكدت  وكالة ستاندرد آند بورز للتصنيف الائتماني إنها متفائلة بتدفق الدعم المالي اللي حصلت عليه مصر واللى تضمن استثمار بقيمة 35 مليار دولار لتطوير منطقة رأس الحكمة على ساحل البحر المتوسط ​​وصفقة بـ8 مليار دولار مع صندوق النقد الدولي.
الوكالة. الأمريكية قالت إنه من وقت 
إبرام الاتفاق دشنت مصر إصلاحات طال انتظارها ومنها رفع البنك المركزي سعر الفايدة 600 نقطة أساس وتعهد بتحرير سعر الصرف وخفض قيمة العملة كمان حصلت الحكومة على صفقة معززة مع صندوق النقد الدولي.
وخفضت ستاندرد أند بورز في أكتوبر اللي فات التصنيف الائتماني لمصر إلى B- مع نظرة مستقبلية مستقرة وده وضع بيشير عادة إلى أن التغيير في اتجاه تصنيف مصر مش وارد.
وأكدت وكالة موديز  يوم الخميس تصنيف مصر عند CAA1 لكن غيرت نظرتها المستقبلية إلى إيجابية اعتمادا على الدعم الكبير اللي حصلت عليه في صفقة رأس الحكمة والاتفاق مع صندوق النقد.

وطبعا نجاح مصر في توفير سيولة دولارية كبيرة ساهم فى القضاء عل. فوضى سوق الصرف ويقضي على تعدد سعر الدولار وهيساهم في جذب الاستثمارات الأجنبية خلال الفترة الجاية مع اعلان اكتر من صندوق سيادي عربي واجنبي الاستعداد لضخ أموال ضخمة في السوق المصري