بعد التعويم.. أفضل استثمار يحمي فلوسك وهتزيد

 
التعويم حصل والأسواق بقت حرة وفيه ناس كتير محتارة تستثمر في إيه بعد تحرير سعر الجنيه وايه أفضل استثمار دلوقتي يحمي مدخراتك وفلوسك ويزودها كمان.. هنقولك الأفضل دلوقتي..خليك معانا

قبل قرار التعويم ناس كتير كانت بتستثمر فلوسها في حاجات كتير أولها الدهب وشفنا ازاي سعره ارتفع بسبب الزحام على الصاغة لأن الناس كانت خايفة من التعويم والدهب اكتر وعاء بيصون الفلوس والمدخرات وقيمته بتزيد مع الزمن وناس كانت بتستثمر في العقارات والشهادات الادخارية وفيه ناس فضلت تشغل فلوسها في عمل مشروع ودي كلها استثمارات ناجحة.

طيب بعد تحرير سعر الجنيه في البنوك وزوال السوق السودا إيه هو افضل استثمار دلوقتي.. شوف حضرتك كل اللي كنت تستثمر فيه قبل كده حلول كويسة لحماية فلوسك إن قيمتها تقل لكن دلوقتي وبعد القرارات الأخيرة فيه استثمار أفضل من التاني يعني الدهب لسه هو الاستثمار الافضل ليك ولفلوسك لأن رغم استقرار الأسواق الدهب بتأثر بالاسعار العالمية وتوقعات الأسعار في السوق الدولي واخر وأحدث التوقعات بخصوص الدهب بتقول إن الدهب لسه سعره هيزيد عالمياً على مدار الخمس سنين الجاية وإن ده هيوصل لأكتر من 3500 آلاف دولار في سنة 2030 وهيوصل ل4 آلاف دولار في 2033 وبمقارنة بسعره العالمي دلوقتي 2000 دولار يعني سعره هيزيد النص خلال 5 أو 6 سنين وبالمقابل هيدخل سعره بالجنيه المصري حوالي 6 آلاف جنيه للجرام  يعني الضعف بسعر الدهب النهاردة واللي سجل 3300 جنيه فلو معاك فلوس زيادة اشتري دهب وشيله للزمن.

وبخصوص العقارات فالاستثمار فيه دلوقتي مش قد كده لانه سعره لسه في العالي وهيزيد بسبب المشروعات الضخمة الجديدة في القطاع عشان كده افضل استثمار بعد الدهب دلوقتي هي شهادات الادخار الجديدة بفايدة 30% ودي استثمار مربح وسريع هي مدة الشهادات الجديدة ودي اكتر امان وأسرع مكسب وفيه كمان الاستثمار في البورصه المصريه واللي بقت ملاذ مربح للاستثمارات لكن بتحتاج خبرة كبيرة في اصول الاستثمار فيها وعشان كده لازم تستثمر فيها عن طريق وكيل أو شركات الاوراق الماليه المتخصصة ومن أفضل الاستثمارات بردو المشروعات الخاصة لأنها بتجيب عائد سريع وتقدر تتوسع فيها حسب السوق وفلوسك تحت إيدك.