رد صادم.. مصير أسعار الحج والعمرة بعد تحرير سعر الصرف

بعد قرار البنك المركزي بتحرير سعر صرف الجنية المصري بشكل كامل قدام العملات الاجنبية، والناس كلها بتسأل علي مصير الاسعار خصوصا الحاجات اللي بعتمد بشكل كامل علي العملات الأجنبية، واحد من الخدمات دي هيا الحج والعمرة.. يا تري اسعارهم هتزيد في الفترة اللي جاية ..وهل الاسعار هترتفع تاني خصوصا اننا داخلين علي عمرة شهر رمضان وبعدها هيدخل موسم الحج.

رحلات الحج والعمرة واحدة من الحاجات اللي الناس بتسناها من سنة للثانية وبعتبروها فسحة المشتاق، وكتيرا من اهالينا بيحوشي القرش علي التاني علشان يجهزوا نفسهم للعمرة ويا سلام ولو لو رحلة حج تبقي الدنيا تمام، ولكن في الايام الاخيرة اسعار العمرة والحج بقت بارقام خرافية ومش اي حد يقدر عليها وبقت عايزة شئ وشويات.

بعد قرار البنك المركزي بتحرير سعر الجنيه بشكل كامل في البنوك قدام الدولار والعملات وفق قواعد العرض والطلب وكمان رفع سعرالفايدة 6% والناس كلها بتسال يا تري مصير اسعار برامج عمرة شهر رمضان هيكون كام هل هتزيد ثاني ولا لا، واية مصير اسعار برامج الحج السياحي يا تري هتزيد هيا كمان ولا لا.
اللجنة العليا للحج والعمرة أكدت إن قرار البنك المركزي بتحرير كامل لسعر الجنيه بالبنوك قدام الدولار والعملات وفق قواعد العرض والطلب هيؤدي لتوفير سعر عادل لبرامج العمرة في مصر، خصوصا أن سوق العمرة بيشهد تفاوت كبيرا في الأسعار بسبب اختلاف سعر بيع الريال السعودي في السوق السودا واللي بتعتمد عليها الشركات في توفير الريال السعودي اللازم للتعاقد علي الخدمات اللي ستقدمها شركات السياحة للمعتمرين.
طيب قرار البنك المركزي بتحرير سعر الجنية بشكل كامل قدام الدولار هيعمل اية في اسعار برامج العمرة؟.
اللجنة العليا للحج والعمرة قالت كمان، أن قرار البنك المركزي بتحرير كامل لسعر الجنيه بالبنوك قدام الدولار والعملات وفق قواعد العرض والطلب هيؤدي لإتاحة الريال السعودي بسعره الرسمي في البنوك الوطنية لشركات السياحة، وكده الشركات مش هتلجأ للسوق السودا لشراء الريال السعودي، وهتكون في سهولة في التعاقد علي خدمات المعتمرين وتوفير سعر عادل لأسعار برامج العمرة في مصر.

اما عن تسعير برامج العمرة في مصر، باللجنة قالت أن تسعير برامج العمرة في مصر قايم بسكل اساسي علي سعر الريال السعودي في السوق السودا وعلي اساس سعر الريال باكثر من 13 جنيها، وتوقعت انخفاض  أسعار برامج العمرة في الأيام اللي جاية.
طيب اسعار برامج عمرة شهر رمضان هتوصل لكام السنة دي؟.
اقل سعر لبرامج العمرة لشهر رمضان قبل تحرير الجنية في البنوك كان بتترواح من 45 إلى 50 ألف جنيه للبرنامج الإقتصادي اللي اغلب الناس بتحجز عليه واللي بيستمر لمدة 30 يوم، اما عن أسعار برامج العمرة 5 نجوم فتتراوح من 65 إلى 70 ألف جنيه، واخيرا اسعار برامج عمرة ختم القرآن أو العشر الآواخر من شهر رمضان هتعدي 200 ألف جنيه.
طيب ده اسعار برامج العمرة، الحج السياحي هيكون ظروفه اية؟.
وزارة السياحة والآثار استبعدت وجود تغييرات جديدة في أسعار برامج الحج السياحي المعلنة في ضوابط الحج السياحي بعد قرار البنك المركزي بتحرير سعر صرف الجنية بشكل كامل خصوصا ان اسعار برامج الحج اتسعرت علي اعتبار سعر صرف الريال السعودي مقابل الجنيه المصري بمعدل 13 جنيه وده أعلى من الأسعار الجديدة بعد تحرير سعر صرف الجنيه المصري الأخير، وان غالبا مش هيكون في زيادات جديدة علي الرغم من وجود بند في تطبيق زيادة في اسعار الحج في حال وجود تحرير في سعر الصرف.