السر اللي كشفه السيسي.. ومهمة نص الليل في السوق السوداء
ليه الرئيس السيسي اتكلم نهاردة عن التعويم والأسعار ومصير الاقتصاد في الفترة الجاية وايه السر اللي كشفه الرئيس عن اللي حصل في مصر الفترة اللي فاتت.. كل ده ههنعرفه معاكم.
فاكرين الرئيس السيسي لما قال مفيش تعويم من فترة كبيرة ولما حصل تعويم الإعلام ومنصات الإخوان لقيتها فرصة وروجت إن التعويم حصل رغم تعهد الرئيس بعدم تحرير سعر الجنيه، لكن الإعلام المضاد مخدش باله من كلام الرئيس كويس ساعتها وإلا مكانوش وقعوا في غلطة زي دي الرئيس قال مفيش تعويم طالما هيكون ليه تأثير على المواطن والاسعار ودي كانت علة أو سبب رفض الرئيس السيسي وقتها للتعويم لما كان صندوق النقد الدولي بيضغط على مصر عشان تحرر الجنيه رغم كان فيه أزمة طاحنة في الدولار ولو كان حصل كانت هتبقي كارثة.
الرئيس كان بيقصد إن التعويم لو مكانش معمول حسابه كويس مش هيوافق عليه ودلوقتي لما الظروف اتغيرت بعد صفقة رأس الحكمة والكلام عن مشروعات ضخمة تانية وفي نفس الوقت الداخلية كان عنها مهمة في نص الليل للقضاء ومداهمة تجار سوق الدولار والمضاربين والقبض على حيتان الأزمات والسوق السودا.
النهادرة الرئيس السيسي كشف في كلمته خلال حضوره فعاليات الندوة التثقيفية الـ 39 للقوات المسلحة؛ بمناسبة الاحتفال بـ يوم الشهيد والمحارب القديم، إنه رفض تحرير سعر الصرف الا مع وجود احتياطي كبير من الدولار ودي اللي الإعلام المأجور مخدش باله منه وقعد يشير ويمول تصريحات الرئيس القديمة.
الرئيس كشف كمان إن الأوضاع في مصر بدأت في التحسن، وإنه مغامرش بالمصريين، ومخدش قرار يضيع مصر، ولم يغامر لهوى أو فهم خاطئ أو تقدير منقوص.، وقال الرئيس للمصريين في كلمته إحنا مش فاسدين.. ولا إحنا خدنا أموالكم وضيعناها بفساد أو بدلع، هذا لم يحدث إطلاقا».
كلام الرئيس كله رسائل مهمة جدا لأانه بيرد على كل اللي بتروجه منصات الفتنة عن مصير تمن صفقة رأس الحكمة وقالت إنها هتتوزع على الحبايب وإن الصفقات فيها شبهات ودي طبيعتهم في تشويه أي صفقة أو انجاز أو مشروع.
