الأسعار رايحة علي فين في مصر الفترة الجاية.. شوف التوقعات بتقول إيه

 
 
خلال الكام يوم اللي فاتوا وخصوصا بعد قرارات الحكومة بتوقيع عقود الاستثمار السياحي في راس الحكمة، واسعار الدهب اللي انخفضت لارقام قياسية بالوصول لـ2700 جنيه للجرام عيار 21 الأشهر في السوق  وكان في اقبال كبير جدا من المواطنين علي شراء الدهب.. وفجأة  البنك المركزي اخذ قرار برفع سعر الفايدة 600 نقطة اساس، وتعويم الجنيه..يا تري انعاكسات القرارات دي علي الدهب والسلع الغذائية هتكون عامل ازي.. تعالوا نشوف بتوع الاقتصاد قالوا إيه 
 

بعد اعلان الحكومة عن توقيع عقود الاستثمار السياحي في منطقة راس الحكمة باستثمارات اكثر من 150 مليار دولار منهم 35 مليار دولار هيدخلوا خزينة البنك المركزي بشكل مباشر كاستثمارات نقدية، واللي كان لها تاثير مباشر علي سعر بيع الدولار الامريكي في السوق السودا بعد ما وصل لـ70 جنيها، وبعد التوقيع انخفض بشكل كبير ووصل لـ 37 جنيها.
قرار توقيع عقود الاستثمار السياحي في راس الحكمة كان له تاثير مباشر كمان علي اسعار السلع التموينية اللي بيحتاجها المواطن في حياته اليومية واللي انخفضت باكثر من 30% من ثمنها،؟ وكمان اسعار الحديد انخفضت باكتر من 10 الاف جنيه، وكمان اسعار الدهب انحفضت باكتر من 1200 بعد ما وصل سعر جرام الدهب عيار 21 والمعروف بانه انتشارا في الاسواق، والامور كانت في طريقها للاستقرار اكثر واكثر ولكن وفي مفاجاة كبيرة البنك المركزي فاجيء الأسواق واعلن عن قرارات استثنائية لضبط سوق الصرف وتصحيح الخلل في الأسواق والقضاء  على السوق الموازية للعملات وقرر فى اجتماع استثنائي للجنة السياسة النقدية تحرير كامل لسعر الجنيه بالبنوك أمام الدولار والعملات وفق قواعد العرض والطلب وكمان قرر رفع سعر عائد الإيداع والإقراض لليلة واحدة وسعر العملية الرئيسية للبنك المركزي بواقع 600 نقطة أساس ليصل إلى 27.25%، 28.25% و27.75%، على الترتيب. كما تم رفع سعر الائتمان والخصم بواقع 600 نقطة أساس ليصل إلى 27.75%.
طيب اية تاثير قرار البنك المركزي علي السلع والاسعار في الاسواق واسعار الدهب والحديد وغيرها؟.
بعد قرار البنك المركزي السلع في الاسواق هيحصل في اسعارها شوية تخبط، والاسعار علشان تستقر لوضعها الطبيعي وتستجيب لتراجع الدولار الموضوع هياخد شوية وقت، لحد الإفراج عن السلع المتراكمة في الموانئ .
اما فيما يخص اسعار الذهب، فلازم نكون عارفين أن اسعار الذهب في مصر مربوطة بدولار السوق السوداء يعني لو سعر بيع الدولار في السوق السوداء تراجع فاكيد سعر الذهب هينزل، ولو رفعت فاكيد سعر الذهب هيرتفع، والاقرب ان متوسط سعر جرام الذهب عيار 21 هيكون بين 2700 إلي 3000 جنيه، ومرجع ان يرتفع اكتر في الايام الجاية خصوصا لو حصل اقبال كبير علي شرائه من المواطنين، ولكن الاعتبار ده مستبعد شوية خصوصا بعد اعلان البنك الأهلي عن طرح شهادة ادخار جديدة بعائد 30% واللي اكيد هيكون عليها اقبال كبير من المواطنين لشرائها خصوصا في ظل تراجع اسعار الذهب في مصر وبقي شراء الذهب مخاطرة غير مضمونة في الوقت الحالي .