قفزة في الاحتياطي ومعدلات النمو.. تقرير دولي يفجر مفاجأة عن التعويم
ليه مؤسسات التمويل والمال الدولية مهتمة بالوضع الاقتصادي المصري من ساعة المركزي ما طلع قرارات الفائدة وتحرير سعر الجنيه وايه احدث التقارير و المفاجآت الدولية عن مصر وايه قصة الاحتياطي النقدي ومعدلات نمو الاقتصاد المصري الفترة الجاية بعد القرارات الأخيرة.. كل ده هنكشفه بالتفاصيل في الفيديو ده خليكم معانا للآخر
اغلب المؤسسات المالية والاقتصادية في العالم اهتمت باللي حصل في مصر امبارح واللي لسه هيحصل في الأيام الجاية وكلها حللت قرارات البنك المركزي المصري الأخيرة وقالت إنه تحول تاريخي في مسيرة الاقتصاد المصري والعملة الوطنية وإنه بداية جديدة وصحيحة لدولة منتظر تكون من بين أكبر الاقتصاديات العالمية في سنين قليلة جاية وتوقعت انطلاقة قوية للاقتصاد بعد تصحيح السياسات المالية للدولة والجنيه وقفزات في الاستثمارات الأجنبية والعربية المباشرة وغير المباشرة وان مصر عندها تنوع اقتصادي فريد وبنية أساسية حديثة وعندها مميزات مش موجوده في دول كثيرة تشجع اي مستثمر يضخ استثماراته وهو مغمض زي انخفاض قيمة العملة وتوفر العمالة وتنوع السوق وحجم سوق الاستهلاك المصري والامكانيات السياحية والترفيهية والصناعية والزراعية والتجارية.
وقالت التقارير الدولية أن مصر بجانب ده كله عندها مميزات لوجستية مش بتتوفر في دولة واحدة على مستوى العالم لأن عندها قناة السويس وخطوط تجارة برية دولية وعندها موانئ محورية وموقعها الجغرافي الفريد بين 3 قارات بتتقاطع عندها خطوط تجارة العالم كله وكمان عندها مناطق اقتصادية واعدة ومشروعات هتغير شكل الاقتصاد المصري 180 درجة منها مشروعات الصناعة والنقل اللوجستي والمدن الذكية وتوطين الصناعات الثقيلة والتكنولوجية .
معهد التمويل الدولي من بين مؤسسات مالية دولية اتكلمت عن الوضع في مصر بعد قرارات التعويم وتوحيد سعر الصرف والمعهد كتب تقرير مخصوص عن مستقبل الاقتصاد المصري وقال فيه إن صفقة رأس الحكمة الاستثمارية وتوقيع مصر اتفاق موسع مع صندوق النقد الدولي هيعزز إجمالي احتياطيات النقد الأجنبي لمصر إلى ما يزيد على 50 مليار دولار؛ أي ما يكفي 8 أشهر من الواردات بنهاية السنة المالية الحالية وده اطول مدة لتغطية الاحتياطي السلعي في مصر وأضاف المعهد ان نطاق وسرعة توقيع مصر لصفقة رأس الحكمة الاستثمارية مع الإمارات، واللي هتضخ تمويل فوري ب35 مليار دولار، تجاوز التوقعات و رد فعل السوق عليها كان إيجابي بشكل كبير بعد شهور من تحكم السوق السوداء للدولار في الأسواق.
وزي ما كشفت تفاصيل الصفقة مصر هتحصل على 24 مليار دولار في صورة سيولة مباشرة من الصفقة بخلاف شطب 11 مليار دولار من ودائع الإمارات في البنك المركزي نتيجة تحويلها إلى الجنيه المصري وضخها في مشروعات لدعم التنمية والتطوير الاقتصادي ودي كانت ضمن إجمالي ديون مصر الخارجية وده معناه انخفاض إجمالي ديون مصر الخارجية واللي كانت لتشكل عبء كبير على الموازنة العامة وفي نفس الوقت كانت بتستهلك جزء كبير من السيولة الدولارية.
وقال التقرير إن شطب الودائع الإماراتية هيخفض صافي الالتزامات الأجنبية على البنك المركزي بواقع 3% من الناتج المحلي الإجمال و أن المكاسب المفاجئة الكبيرة من النقد الأجنبي اللي هتتحصل عليها مصر ستساهم في تخفيف الضغوط التمويلية اللي بتواجهها مصر ده غير إن السيولة المباشرة بالنقد الأجنبي البالغة 24 مليار دولار اللي هتحولها الإمارات لمصر هتساهم في تغطية أي احتياجات تمويلية متبقية في المستقبل المنتظر، على الرغم من أن جزءاً من تلك الأموال سيستخدم لأغراض أخرى منها تصفية طلبات الاستيراد المتراكمة.
كمان توقع المعهد الدولي ارتفاع معدلات النمو الاقتصادي في مصر إلي 4.5 % في السنة المالية 2024..2025 ودي هتكون بداية انتعاشة اقتصادية كبيرة جدا.
