بانكير يكشف صفقات مدبولي الخفية.. أضعاف رأس الحكمة

ياترى ليه الدكتور مصطفي مدبولي ريئيس الوزراء النهاردة قال إن فيه صفقات في الطريق ومقالش تفاصيل وليه مرديش يقول وإيه هي الصفقات دي وهتكون فين.. بانكير جابلك التفاصيل
 

بعد صفقة رأس الحكمة وهي أكبر صفقة استثمارية في تاريخ مصر طلع كلام كتير عن صفقات تانية في الطريق وإنها هتكون صفقات بمليارات الدولارات وأكبر من رأس الحكمة مرتين تلاتة ودي كلام طلع من مسوؤلين في مصر ومن بره.. والنهاردة الدكتور مدبولي كشف فعلا إن فيه صفقات جديدة جاية في الطريق.

طبعا مدبولي كرئيس حكومة مش هينفع يقول أي تفاصيل غير لما كل صفقة تخلص خالص في المفاوضات ونوصل  لمرحلة التوقيع على العقود زي ما حصل كده في صفقة رأس الحكمة  واللي الحكومة صبرت وما أعلنتش التفاصيل غير ساعة التوقيع ودي الطبيعي لأن مصر دولة مؤسسات ومعني كلام مدبولي النهاردة إن فعلا فيه مفاوضات شغالة على الصفقات الجديدة وإلا مكنش جاب سيرتها لو مفيش محادثات حوليها بين الحكومة والمستثمرين.
طيب ايه هي الصفقات الجاية .. شوف حضرتك الصفقات المؤكدة حوالي 4 صفقات من العيار التقيل أولها صفقة رأس جميلة ودي منطقة متقلقش في جمالها عن راس الحكمة وهي جمب شرم الشيخ وبطل على شواطيء فيروزية بحنوب سينا ومتوقع مستمثمر سعودي رئسيسي سواء اعتباري زي الصندوق السيادي أو شركات ضخمة وحجم استثمارات المقدرة ليها بتتراوح من 15 إلى 20مليار دولار ودي غالبا المفاوضات عليها خلصت وفي انتظار التوقيع وإنه تم تسريع المفاوضات فيها بعد توقيع صفقة رأس الحكمة والمشروع هيكون ترفيهي سياحي وتجاري يعني بنتكلم عن شرم شيخ جديدة.
المشروع التاني والأهم في الصفقات الجديدة هو المنطقة الصناعية الصينية على البحر المتوسط ودي اتقال فيها كلام كتير وإنها هتكون أضخم من مشروع راس الحكمة في الاستثمارات يعني بنتكلم في أكتر من 35 مليار دولار بشكل مبدئي وإن المشروع الصيني هيكون عالمي وهيصدر لأفريقيا واوروبا عن طريق مصانع صينية في مصر.
أما المشروع التالت فهو مشروع إنشاء ريفيرا عالمية في مدينة العلمين الجديدة وباستثمارات قطرية ضخمة ولسه مفيش تفاصيل كتير عليها بس المعلومات بتقول إن قطر مهتمة جدا بالمشروع وتواجدها في السوق المصري وبتنافس دلوقتي للاستحواذ على المصرف المتحد ضمن برنامج الطروحات الحكومية.
المشروع الرابع بقي من ايطاليا وهو عرض تحالف ايطالي انشاء مجمع هو الأحدث في العالم باستثمارات 4 مليار دولار وبجانب مشروع للهيدروجين الأخضر باستثمارات 3 مليار دولار يعني بنتكلم في 7 مليار دولار في مشروعين هيتعملوا بالتزامن مع بعض.
كمان فيه مشروعات ب5 مليارات دولار من شركات ليبية حكومية تم الإعلان عنها هتنفذ مشروعات في مصر الفترة الجاية غير استمثارات كويتية جديدة تم الاعلان عنها في معرض القاهرة الدولي اكسبو 2024