الأسئلة المحظورة في صفقة المطارات المصرية
ليه الحكومة هتطرح المطارات للقطاع الخاص وازاي هيديرها ودور الدولة هيكون ايه ومين اللي هيشرف على المنافذ الجوية ومين هيحمي الأمن القومي في المطارات.. كلها أسئلة هنجاوب عليها في الفيديو ده خليكم معانا.
النهاردة الحكومة حسمت ملف المطارات المصرية وقررت إسناد تشغيلها في طرح للقطاع الخاص ولسه مفيش تفاصيل كتيرة عن الموضوع وهل المقصود هنا القطاع الخاص المصري ولا ممكن تكون فيه شركات متخصصة أجنبية أو عربية وفي البداية لازم ناكد على حاجة مهمة جدا وهي إن إدارة القطاع الخاص للمطارات ده مش جديد وكل مطارات أوروبا وامريكا تقريبا بيديرها ويشغلها ويطورها القطاع الخاص بما فيها المطارات المركزية زي مطار هيثرو في لندن ودبي و فرانكفورت ومطارات باريس وغيرها والموضوع كله استثمار وتحقيق أعلى جودة في الخدمات وحركة السفر والسياحة.
وكمان فيه فرق كبير بين تشغيل المطارات والإشراف على المنافذ لان الدولة هي المشرفة على المنافذ واللي داخل واللي خارج وهي هتكون مسؤولة عن دواير التفتيش والترقب والفحص لأن دي مسألة مهمة جدا تتعلق بالأمن القومي ومش ممكن الدولة تسببها لاي طرف تاني.
والنهاردة الدكتور مصطفى مدبولي، رئيس مجلس الوزراء، اليوم، حط نقاط كتير على الحروف بخصوص طرح المطارات المصرية للقطاع وايتعرضغ الإجراءات التنفيذية المقترحة من وزارة الطيران المدني لطرح إدارة وتشغيل المطارات بشركات القطاع الخاص. واكد على إن الهدف من طرح المطارات الارتقاء بوضعيتها التنافسية إقليميًا وعالميًا، وبما يتكامل مع عملية التنمية الشاملة بالدولة، من خلال إشراك القطاع الخاص في إدارة وتشغيل المطارات المصرية، بما يسهم في تحسين الخدمات المقدمة للركاب، وزيادة الإيرادات المحصلة وده كله ضمن استراتيجية تطوير المطارات المصرية، اللي بتعتمد على الاستغلال الأمثل للبنية التحتية للمطارات وتحسين الكفاءة التشغيلية، وتحسين تجربة المسافر مع العمل على زيادة الإيرادات، وتعزيز الاستدامة والتحول الرقمي، بجانب تطوير قدرات الكفاءة الإدارية للعنصر البشري، من خلال الاستعانة بالخبرات العالمية في هذا الشأن
وعشان كده الحكومة هتختار استشاري دولي صاحب خبرة كبيرة لوضع خطة برؤية متكاملة لعملية الطرح لإدارة المطارات المصرية عبر منظومة احترافية؛ لتنظيم حركة تدفق المسافرين وتأدية الخدمات، بأفضل عروض ممكنة، وهيتم دعوة أهم وكبرى الشركات العالمية المتخصصة في هذا المجال، وبتوقيتات محددة للطرح، واستعراض قائمة بكبرى الشركات الاستشارية، بجانب وضع معايير التقييم الفني والمالي للشركات الاستشارية، بجانب مناقشة تصور مبدئي مقترح للإطار الزمني للطرح.
