الزيادة وصلت.. مواعيد صرف المعاشات مارس 2024 وهتقبص كام
من يوم اعلان الرئيس عن حزمة للرعايا الإجتماعية للمواطنين العاملين في الدولة والمعاشات ومستحقي تكافل وكرامة والناس كلها بتسأل عن موعد صرف الزيادات الجديدة اللي اقرتها الدولة وخصوصا اصحاب المعاشات.. يا تري امتي الناس هتصرف اول معاش بالزيادات الجديدة.. وهتوصل لكام.
في عز الضغوط الاقتصادية الي مصر بتمر بيها في الفتة الاخيرة من نقص العملات الاجنبية وخصوصا الدولار، فاجا الرئيس عبدالفتاح السيسي الكل ووجه الحكومة باعداد اكبر حزمة اجتماعية في تاريخ مصر باجمالي 180 مليار جينه للموظفين والعاملين بالجهاز الإداري بالدولة بحد أدنى بيتراوح بين 1000 إلى 1200 جنيه بحسب الدرجة الوظيفية بإلاضافة لعلاوات دورية للمخاطبين بقانون الخدمة المدنية بنسبة 10% من الأجر الوظيفي، و15% من الأجر الأساسي لغير المخاطبين، وبحد أدنى 150 جنيهاً وبتكلفة إجمالية 11 مليار جنيه.
الحزمة الإجتماعية اللي اقرها الرئيس تضمنت كمان زيادة المعاشات بنسبة 15% لـ13 مليون مواطن، بتكلفة إجمالية 74 مليار جنيه إلى جانب رفع الحد الأدنى للأجور بنسبة 50%، ليصل إلى 6 آلاف جنيه شهرياً.
طيب امتي صرف اول معاش بالزيادة الجددية اللي اقرها الرئيس؟.
الحقيقة من يوم أعلان الرئيس عن حزمة الرعايا الإجتماعية الجديدة والناس كلها بتسأل عن موعد نزول اول قبض الزيادة الجديدة خصوصا اصحاب المعاشات واللي غالبا بيحاجوا المعاش علشان يجيبوا العلاج والأدوية ويصرفوا منه علي نفسهم ويشتروا الحاجات اللي نقصاهم خصوصا اننا داخلين علي شهر رمضان.
اللواء جمال عوض، رئيس مجلس إدارة الهيئة القومية للتأمين الاجتماعي، اعلن عن خبر سار لاصحاب المعاشات وقال ان الهيئة استعدت لصرف معاشات شهر مارس بالزيادة الجديدة اللي وجه بها رئيس الجمهورية، وان الحد الاقصي للزيادة هيوصل لـ1890 جنيهًا وهيستفيد منها ما يقارب من 11.5 مليون صاحب معاش ومستحق.
رئيس مجلس إدارة الهيئة القومية للتأمين الاجتماعي، كمل كلامه وقال أن الهيئة هبتدا صرف معاشات شهر مارس بالزيادات الجديدة اعتبارا من يوم اول في شهر مارس من الساعة الواحدة ظهرًا حتى الساعة الثامنة مساءً، ويوم السبت من الساعة 8 صباحًا حتى الساعة الثالثة عصرًا؛ وده بهدف التسهيل حصول أصحاب المعاشات على مستحقاتهم المالية.
اللواء عوض كمل كلامه وقال،ان الزيادة الجديدة اللي هتحملها الهيئة هتوصل لـ66 مليار جنيه، وأن الحكومة قررت زيادة المعاشات من شهر مارس الجاري بدلا من يوليو مع اقرار الميزانية الجديدة للدولة مراعاة للظروف الاقتصادية وان التكبير في صرف الزيادات الجديدة للمعاشات هيكلف الدولة 22 مليار جنيه.
طيب اية هيا الحالات اللي ممكن توقف المعاش؟.
اللواء جمال عوض قال كمان ان الحالات اللي ممكن توقف المعاشات متعددة واولها الالتحاق بأي عمل والحصول منه على دخل صافي يساوى قيمة المعاش أو يزيد عنه، وفي حالة نقص الدخل عن المعاش الهيئة بتصرف للمواطن الفرق فى تاريخ التحاقه بالعمل.
الحالة الثانية اللي ممكن توقف المعاش هي مزاولة مهنة تجارية أو غير تجارية منظمة بقوانين أو لوائح لمدة تزيد على خمس سنوات متصلة أو متقطعة، وللمواطن الحق فى صرف المعاش مرة ثانية فى حالة ان يسيب الشغل، وفي الحالة دي يصرف المعاش من اول الشهر اللي جاي بعد ما يسيب الشغل بتاعته.
