إزاي رأس الحكمة كسرت الحصار على مصر.. أسرار لأول مرة

لو فاكر أن صفقة رأس الحكمة مجرد صفقة واستثمار يبقي فاتك كتير .. تفاصيل بتتقال لاول مرة عن الليلة الكبيرة.. خليك معانا 
 

في منطقة الشرق الأوسط اللي احنا فيها مفيش حدث بيحصل فيها بالصدفة ودي جملة لازم تمسك فيها زي ما بتمسك في موبايلك في حتة زحمة وكل اللي حصل السنين اللي فاتت مكانش صدفة ولا أحداث طبيعية لكن كل حاجة مترتبية بالمللي ومروسومة في غرف مغلقة واللي حصل في سوريا وليبيا والعراق والسودان ده مش خلافات وحروب وخلاص واللي بيحصل في فلسطين مش مجرد صراع لكن لو بصيت على الخريطة من فوق هتعرف المقصود مصر تتحاصر اقتصاديا وسياسيا وأمنيا عشان المشروع القديم بتاع الشرق الأوسط الجديد والكبير واللي مفهوش غير دولة واحدة اللي بتقول وكلنا عارفيننها طبعا وباقي الدول تقول سمعا وطاعة.

كان المخطط ماشي كويس ونجح في البلاد اللي حولينا لكن مكنوش عاملين حساب صقر بيشوف اللي بيحصل تحت الأرض وبيسمع اللي بيتقال في السراديب وبينهش في الضلمة اي تعبان بيقرب من البلد ويستاهلوا لأنهم معملوش حساب إن البلد دي فيها واحد اسمه عبد الفتاح السيسي وشغلته اللعب مع الذئاب وصيد التعابين وبتخاف منه شياطين الموساد وافاعي التنظيمات إياها ووقف زي الصخر وقضى على الفتنة بدري بدري ومكانش حد يتخيل من العرب إن مصر هيجيلها المخلص بدري وكتير من دول الخليج افتكرت إن مصر وقعت وضهرهم بقي مكشوف للاعداء والمتربصين والطمعانين في الثروات وخلي بالك مهما تسمع عن العلاقات بين مصر والخليج في النهاية هما عارفين إن مصر هي السند وهي اللي بتشيل وهي صمام الأمان ليهم وعشان كده لما السيسي اتحمل المسؤولية الخليج كله جري يساعد ويساند عشان يخلص من كابوس الإخوان وانتوا عارفين أول تهديد مصري صريح ضد دول عربية في الخليج يطلع في زمن الإخوان والفتنة ودي كانت أول مرة مصر تهدد خواتها.
فشلت مؤامرات ما بعد 2011 والسيسي عدى من كل الشراك والمؤامرات وبني دولة في أقل من 10 سنين وحدث الجيش وخلاه رقم كبير وجاب قادة العرب يشاركوا ويشوفوا القواعد العسكرية الجديدة في محمد نجيب وبرانيس وغيرها عشان يأكد على فكرة التضامن العربي وإن مصر هي درع الأمة وكانت الرسالة واضحة وإن العرب ليهم ضهر شديد وقصاد كده بدأت تظهر زعامات وسياسات جديدة في الخليج العربي واخدة توجه عروبي واقتصادي ومساندة للقوة المصرية وشفنا زيارات وعلاقات السيسي وبن سلمان وبن زايد وازاي الغرب وامريكا بدأوا يقلقوا من القوة العربية الصاعدة واللي لو حصل واتحالف قوة السلاح وقوة الثروة والمال ده معناه تهديد مباشر لمصالحهم في المنطقة.

مش هنطول عليكم لكن واقع القوة والثروة العربية في تخالف السيسي وقادة الخليج حرك المؤامرة من جديد وكانت فرصة لإشعال صراع في الشرق الأوسط وحصار مصر اقتصاديا وماليا وكانت الفرصة في أزمة الدولار واللي بتعتبر أزمة سياسية شارك فيها أطراف من كل حتة عشان مصر توقع أخيرا والشارع يتحرك ويخلصوا من كابوس السيسي اللي معطل كل مؤامراتهم في المنطقة ورغم إنه جي وقت كلنا حسينا إن البلد رايحة في حتة صعبة بسبب ارتفاع الأسعار والمعيشة لكن مخدناش بالنا إن السيسي بيتكلم طول الوقت بثقة وهدوء غريب ولما قال أزمة الدولار هتبقي ذكري ناس كتير تضايقت وافتكرت إن الرئيس مش مستوعب الأزمة لكن الموضوع كان أكبر من كده بكتير وإن الليلة الكبيرة شغالة وإن فيه صفقات بتم والسيسي بيتابعها بنفسه وكانت فيه خطة لكسر الحصار المالي والسياسي على مصر في وقت افتكرت فيه أطراف المؤامرة إن مصر سلمت لمس أكتاف... لكن مصر قدرت بضربة واحدة تنهي كل شيء وتحطم كل احلام الخونة والمتربصين وتقوم تجري من تاني.