بعد شهادة بنك الأمارات دبي الوطني.. أعلى 5 شهادات ادخار في مصر

 
شهادات الادخار واحدة من أهم الوظايف اللي بتقدمها البنوك للمواطنين اللي حابين يستثمروا فلوسهم بشكل آمن وبعيد عن المخاطر من رفع أو نزول الأسعار أو الكوارث اللي بتهدد رؤؤس أموالهم، اثبتت الشهادات مع مرور الوقت انها المجال الآمن للاستثمار بعيد عن الحاجات اللي بتحصل وبنسمع عنها منساعة للثانية في الأسواق.. يا تري ايه أعلى شهادات الادخار اللي بتقدمها البنوك في 2024.. وكام الحد الأدني لشرائها ومدتها وعوايدها كام
 

سنة 2024 هو الأعلي في قيمة شهادات الادخار اللي طرحتها البنوك واللي أعلنت عن طرح شهادات ادخار بتوصل قيمتها لـ40.5%، بدون أي مخاطر أو انك تكون ضحية نصب أو شركة مهددة بالافلاس بسبب خطا اداري أو موظفين اتأخروا عن وظايفهم، ولا ايجارات ولا غيرها .
طيب ايه هيا اعلي شهادات الادخار اللي طرحتها البنوك في 2024؟.
مع اول ايام عا 2024، البنك الأهلي طرح الشهادة البلاتينية لمدة سنة واللي بتكون بعائد 27% بيصرف في نهاية المدة، و23.5% سنوياً ولك بيصرف شهرياً، والبنك حددالحد الأدنى لشرا الشهادةبـ 1000 جنيه ومضاعفاته .

ومن البنك الأهلي بنروح لبنك مصر واللي طرح شهادة طلعت حرب لمدة سنة، بعائد ثابت طوال المدة بيوصل لـ 27% يصرف في نهاية المدة، أو عائد 23.5% يصرف شهرياً وحدد البنك حد أدنى لشراء الشهادة بـ 1000 جنيه ومضاعفاته.

ولسه مكملين معاكم وبنروح لبنك التنمية الصناعية واللي أعلن عن شهادة سمارت بعائد تصاعدي بيوصل لـ 30% سنوياً وبيحتسب بشكل يومي، وحدد البنك الحد الأدنى لشرائها بـ 250 ألف جنيه، وحدد كمان البنك المدة لشرائها من يوم واحد وحتي 300 يوم كاقصي مجة للشهادة .
ومن بنك التنمية الصناعية، بنروح معاكم لبنك الإمارات دبي واللي اعلن من كام يوم طرح شهادة بعائد 40.5%، بمعدل تراكمي 18.89% مدفوع مقدماً، وحدد البنك الحد الأدنى لشراء الشهادة بـ 100 ألف جنيه ومضاعفات الـ10 آلاف جنيه بدون حد أقصى للشراء ولمدة 3 سنوات.

واخيرا بنروح معاكم للبنك التجاري الدولي، واللي اعلن عن تقديم شهادة 
بريميم بعائد 22% سنوياً ويصرف شهرياً، وحدد البنك الحد الأدنى لشراء الشهادة بـ 5 مليون جنيه ومضاعفات الـ1000 جنيه والحد الاقصي ليها 3 سنين .