الصين دخلت على الخط.. إزاي فتحت رأس الحكمة بوابة المليارات

 
ياترى إزاي غيرت صفقة رأس الحكمة سمعة سوق الاستثمار في مصر وإزاي قدرت تغري مستثمرين عالمييين للاستثمار في مصر رغم  الأزمات.. كل ده هنعرفه مع حضراتكم.

يوم الجمعة اللي فات الأوضاع في مصر اتغيرت تماما بعد الإعلان عن تفاصيل صفقة من أكبر الصفقة الاستثمارية في المنطقة والعالم باجمالي استثمارات 150 مليار دولار واللي حصل بعدها قلب الموازين وبقي حديث الصحافة والدوائر الاقتصادية العالمية واللي بدأت تحلل تفاصيل الصفقة وظروف السوق المصري ووصلت لنتيجة إنه سوق واعد وعبقري وفريد في كل حاجة سواء في انخفاض سعر العملة المحلية واللي بيعتبر أداة جاذبة لأي مستثمر لأنها بتعظم مكاسبخ بجانب موقع مصر المتميز والعمالة الرخيصة والبنية الأساسية القوية.

بمجرد الاعلان عن صفقة راس الحكمة واتقلب الحال في سوق الاستثمار بالمنطقة وبدأت طلبات ومفاوضات الاستثمار والمشروعات والصفقات من كل حتة في العالم وأخرها مشروع إيطالي عالمي في مصر عبارة عن أحدث مجمع للحديد والصلب للعالم باستثمارات 4 مليار دولار مرة واحدة وده غير مشروع هيدروجين أخضر جمبه باستثمارات 3 مليار دولار يعني مشروعين بس ب7 مليار دولار.

كمان الدكتور مدبولي وقع اتفاقيات باستثمارات 40 مليار دولار دفعة واحدة على 10 سنين في مجالات متنوعة  زي الطاقة النظيفية والهيدروجين الأخضر وغيرها...
أخر الصفقات اللي جت بعد مشروع رأس الحكمة الكبير طرحته الصين شريك مصر الكبير واللي قررت الدخول بقوة للسوق المصري والمرة دي عن طريق إنشاء منطقة صناعية صينية على البحر المتوسط لتوفير احتياجات السوق المحلي والتصدير للأسواق الأوروبية والأمريكية، إلى جانب مقترح تسوية المعاملات التجارية بالعملات المحلية للبلدين، والتباحث بشأن مقترح إنشاء فرع لبنك صيني داخل مصر بالتنسيق مع الجهات الصينية المعنية بما يسهم في تيسير حركة التبادل التجاري بين البلدين.
كل الصفقات دي معناها إن مصر خلاص بقت قبلة المليارات والاستثمارات العالمية في الفترة الجاية، وده كله بعد صفقة رأس الحكمة واللي فتحت الباب الكبير للاستثمار ولسه فيه كلام عن مشروعات سعودية في راس جميلة وده مشروع ضخم جدا بردو وغير استثمارات قطرية في الطريق بمدينة العلمين الجديدة.