الأسعار بدأت تنزل.. رأس الحكمة تكسر الاحتكار والغلاء في الأسواق

اعلان الحكومة توقيع عقود رأس الحكمة زي ما كان له علي انخفاض سعر الدولار في السوق السودا كان له تاثير كمان علي اسعار الحديد والذهب والسلع اللي بتحاجها بشكل يومي.. يا تري اية اللي عملته صفقة رأس الحكمة في اسعار كل حاجة عندها هنا في.. واية هيا المنتجات والسلع اللي انخفض اسعارها
 

ازمة مصر في الشهور الاخيرة من نقص الدولار، كان لها تاثير مباشر علي السوق السودا، واللي علي اساسها التجار سعره كل اللسع والمنتجات والحديد والذهب، وظهر عندها هنا في مصر سعر خاص للدولار للسلع الاساسية اللي الاسرة المصرية بتحتاجها في حياتها اليومية من زيت وسكر وازر وغيره، وسعر للدولار للذهب، وسعر للدولار للحديد.
لكن بعد توقيع الحكومة صفقة راس الحكمة والاعلان عن دخول 35 مليار دولار بشكل نقدي ومباشر لخزينة البنك المركزي منهم 11 مليار دولار عندها هنا في مصر كانوا وديعة لدولة الامارات، وفي 10 مليار دولار بدأوا يدخلوا لخرينة البنك المركزي، واخرهم هيوصل يوم الجمعة الجاية وفقا لتصريحات الرئيس عبدالفتاح السيسي في احتفالية قادرون باختلاف النهاردة، وفي 16 مليار تانيين هيدخلوا للخرينة خلال شهرين .

اعلان الحكومة لصفقة رأس الحكمة كانه بمثابة ضربة قاضية للسوق السودا في التجار بالدولار في مصر، وسعر الدولار انحفض لأكثر من 35% بعد ما وصل لـ70 جنيها وحاليا قرب من الـ40 جنيه، والضربة دي لها تاثير علي كل السلع والخدمات الحاجات اللي بنتجاها في حياتنا اليومية.
طيب اية هي السلع اللي اسعارها انخفض بعد اعلان الحكومة لتوقيع عقود رأس الحكمة؟.
اول السلع اللي اسعارها انخفض بعد توقيع الحكومة لصفقة رأس الحكمة كان الذهب واللي اسعاره انخفضت من 3700 الي 3000 جنيها حاليا، ولسه اسعاره هتنزل تاني الفترة اللي جاية خصوصا ان الذهب كان متسعر في فترة من الفترات علي سعر بيع للدولار بـ 64 جنيه، وحاليا سعر الذهب عيار 21 وهو الاكثر انتشارا في الاسواق متسعر علي 54 جنيه، وده مش سعره العادل ومتوقع انه سعره ينزل لحد 2700 جنيه، علشان كده ومن عندها هنا في بانكير بنوجيه نصيحة للمواطنين محدش يبيع اي ذهب في الوقت الحالي وان الفترة الحالية مناسبة للشراء للناس اللي بتحب تستثمر فلوسها في الذهب.
ثاني الحاجات اللي سعرها انخفض بشكل كبير كان حديد التسليح واللي سعره انخفض باكثر من 20 الف جنيه، في الاسواق بعد ما وصل سعره لاكثر من 64 الف جنيه، وحاليا سعره يقارب لـ 45 الف جنيه للمتسهلكين، وفي توقعات ان ينزل اكثر في الفترة اللي جاية مع وصول فلوس راس الحكمة لخزينة البنك المركزي، وده هيكون له انعكاس كبير علي اسعار العقارات واراضي المباني وغيرها.
ثالث حاجة انخفضت بعد توقيع عقود رأس الحكمة كانت اسعار السلع الاساسية اللي من الزيت والسكر والارز وغيرها من السلع وحاليا سعر الارز بيبدأ من 30 جنيها للكيلو بعد ما وصل سعره لاكثر من 38 جنيه، وده بالتزامن مع جهود الحكومة لعودة الانضباط للسوق المصري من خلال افتتاح معارض اهلا رمضان واللي بتوصل فيها التخفيضات لاكثر من 30% واللي عليها اقبال كبير من المواطنين لشراء السلع .