ضربة الـ150 مليار دولار.. تفاصيل خراب السوق السودا في مصر

 
الحكومة أعلنت عن تدشين مشروع سياحي استثماري بمنطقة رأس الحكمة، باستثمارات كلية وتابعة تتخطي 150 مليار دولار استثمارات عبارة عن أحياء سكنية وفنادق ومشروعات سياحية عملاقة ومدارس وجامعات ومستشفيات ومباني خدمية وخدمات لوجستية ومدينة لليخوت والسفن السياحية، ودي كانت الضربة الكبيرة لازمة الدولاء في مصر، والسوق السدودا في التجارة بالعملة.. يا تري اية تفاصيل المشروع واية المخطط الاستثماري في المناطق الجديدة.
 

الاستراتيجية الوطنية لتنمية الاقتصاد المصري 2024- 2030، قاسمة علي تعظيم كل موارد الدولة بما يهدف تحقيق 300 مليار دولار بحلول 2030، والحكومة علي مدار الشهور اللي فاتت وجهت ضربات كبيرة لأزمة نقص العملات الاجنبية في مصر وخصوصا الدولار واللي كان لها تاثير مباشر علي السوق السودا في تجارة العملة واللي وصل فيها سعر الدولار لـ 38 جنيه لأول مرة بعد اعلان الحكومة عن مشروع رأس الحكمة.
طيب اية هيا تفاصيل مشروع راس الحكمة وازاي الحكومة هتستفيد من المشروع ده؟.
الدكتور مصطفي مدبولي رئيس مجلس الوزراء، أعلن عن تفاصيل المشروع الاستثماري الجديد في منطقة رأس الحكمة واللي بيتضمن انشاء أحياء سكنية وفنادق ومشروعات سياحية عملاقة ومدارس وجامعات ومستشفيات ومباني خدمية وخدمات لوجستية ومدينة لليخوت والسفن السياحية ده غير مطار يخدم المنطقة هناك.

رئيس مجلس الوزراء قال كمان أن خطيط مشروع رأس الحكمة قايم علي نفس الخطة اللي بتشتغل فيها الحكومة مع المطورين العقاريين ووفيها الحكومة بتخصص الأرض للمطور وبتاخذ ثمنها مقدما ونقدي، وبعدين هنحصل علينسبة من الأرباح لتطوير الموارد، وان المشروع هيقام علي مساحة 40600 فدان.

مدبولي قال كمان، أن شركة أبو ظبي التنموية القابضة هتأسس شركة باسم رأس الحكمة هتكون شركة مساهمة مصرية لتطوير المشروع خصوصا ان الحكومة بتهدف انها تحول الساحل الشمالي كمطقة امتداد سكاني لمصر مش منطقة مصايف بس، وان الشركة الاماراتية هتضخ١٥٠ مليار دولار كاستثمارات في المشروعات، وان المشروع مقسوم لجزئين اولهم جزء مالي هتقدمه الشركة الإماراتية كمقدم والجزء الثاني هو الأرباح واللي هتوصل لـ ٣٥ مليار دولار، ومصر هستقبل الدفعة الاولي من التعاقد خلال أسبوع بقيمة ١٥ مليار دولار منهم 10 مليار دولار جايين من الخارج والـ 5 مليار الثانيين هتنازل عنهم الإمارات من الودائع بتاعتهم في المركزي المصري، وبعد شهرين هنستلم ٢٠ مليار دولا ثانيين منهم ١٤ مليار دولار سيولة مباشرة و ٦ مليار دولار هتنازل عنهم الإمارات من ودايع البنك المركزي .

طيب اية اللي هستفية مصر من مشروع رأس الحكمة، ومين اصحاب الارض دي وهتعوضهم الحكومة ازاي؟.
الدكتور مصطفي مدبولي قال أن الحكومة ملتزمة بتعويض كامل لأهالي مطروح الموجدين حاليا على الأرض المخصصة للمشروع كتعويض نقدي وعيني وكمان هيتم إنشاء تجمعات للأهالي في مناطق قريبة من مشروع رأس الحكمة، ده غير الاستفادة اللي هتعود عليهم من التنمية بصورة مباشرة من المشروع من توفير ملايين فرص العمل للأهالي بالمنطقة.
مبولي قال كمان أن كل الاستثمارات اللي هتضخها الشركة الإماراتية هيتم تحويلها للجنيه المصري، وأن جميع الإنشاءات هتكون مصرية.
طيب ازاي المشروع ده هيقضي علي السوق السودا في مصر؟.
علشان نبقي عارفين ان جزء كبير من ازمة نقص العملات الاجنبية في مصر كانت بسبب النشاط الكبير للسوق السودا خصوصا بعد ما رفعت سعر بيع الدولار الامريكي لـ70 جنيها في وقت كان سعره الرسمي في البنوك بيوصل لـ 31 جنيه، وبالتالي كل الناس اللي كان معاها دولار كانوا بيبعوه في السوق السودا وده اللي ادي لانخفاض تحويلات المصريين العاملين بالخارج لـ40%، ومفيش اقل من ساعة من اعلان الحكومة عن المشروع والفلوس اللي هتخدخل الموزانة العامة للدولة من العملات الخضراء، وانخفض سعر الدولار في السوق السودا لـ38 لاول مرة من فترات طويلة، وي تعتبر نهاية السوق السودا في مصر للابد .