اعرف قبل ما تندم.. ياترى إيه ايه هو الحد الأقصى لحيازة الدولار

هو حيازة الدولار جريمة وامتي يكون ضد القانون وأيه هو الحد الأقصى اللي ممكن يحوزه أي شخص من الدولار.. اعرف معانا التفاصيل عشان ماتندمش
 

شوف حضرتك في الأصل حيازة اي مبلغ من الدولارات حتى لو تريليون دولار مش جريمة في القانون المصري طالما معاك اللي يثبت جبت التريليون دولار منين لكن لو معاك 100 دولار ومش عارف مصدرها يبقي انت كده في أزمة قانونية خاصه في وقت الأزمات وانتشار تجارة العملة على نطاق واسع وتسببها في تهديد الأمن القومي المصري والأمن الاقتصادي.

خبراء الأموال العامة والاقتصاد والقانون المالي حسموا قصة حيازة الدولار قانوناً والحد المسموح بيه لحيازة العملة الصعبة وقالوا ، إنه لا يوجد حد مسموح لأى مواطن فيما يتعلق بحيازة الدولار، لأن القانون بينص على أنه من حق كل شخص أن يحتفظ بأى مبالغ مالية من نقد أجنبى ولا يوجد سقف للحيازة وإن  الحيازة  للعملات الأجنبية غير مجرمة في اي مكان بيت أو غيط او طريق اغو سيارة و القانون لم يجرم غير التعامل بالنقد الأجنبي خارج البنوك و الجهات المرخص لها.

لكن في نفس الوقت بيكشفوا إن فيه  ضوابط لحمل النقد الأجنبي مثلا فى حالة السفر  بالا يزيد المبلغ عن عشرة آلاف دولار او ما يعادله بالنقد الأجنبي و مسموح لاي قادم من الخارج بحمل أي مبلغ يزيد عن هذا الحد بشرط الإفصاح عن ما يحوزه من نقد اجنبي ويكتبه في نموذج موجود في كل منافذ الوصول .كمان بيسمح لذات الشخص بالمغادرة و معه ما تبقى من نقد اجنبي (حتى لو زاد عن العشرة آلاف دولار) بشرط تقديم نموذج الإفصاح المعتمد و المتضمن اجمالي ما وصل بحوزته.و ان النيابة العامة سوف تطبق مواد القانون وفقاً لما سبق في سياق ملابسات و ظروف كل واقعة تعرض عليها في هذا الشأن.
يعني بعيد عن السفر تقدر تشيل اي مبالغ دولار بشرط يكون معاك ما يثبت مصادرها وأنها مصادر مشروعة وغير كده هتدهل في دايرة الشك والشبهات لأن تفكير الأجهزة الأمنية هيىروح انك جايبها من السوق السودا أو نتيجة المضاربة وده بيعرضك للمساءلة القانونية