الصوامع ونش كلمة السر.. خطة الحكومة لتأمين رغيف العيش

 
 
القمح واحدة من اهم السلع اللي بتستوردها مصر من الخارج، لانه ببساطة اساس رغيف الخبز للمواطنين ومن غيره هنجوع، وممكن اننا نستغني عن حاجات كثيرة ماعدا رغيف العيش، وللاسف بعد قيام الحرب الروسية الأوكرانية اسعارها ارتفعت بشكل كبير وبقي مش موجود.. بس الحكومة بدري بدري كده بدأت تامين رغيف الخبر للمواطنين لشهور طويلة قدام.. يا تري اية عملت الحكومة في القصة دي
 

الحرب الروسية الأوكرانية كانت بداية لتغيير مسار حاجات كتيرة اوي في حياة الدول وخصوصا الدول المستورة للقمح ومنهم مصر لاننا بستورد الاستهلاك اليومي بتاعتنا اللي يقضي اكثر من نصف السنة من الدول، ولأن القمح سلعة مهمة مش ممكن اننا نتخلي عنها او مستنوردهاش باي سعر فكان لازم علي الدولة انها تدور علي مصادر جديدة نستورد منها القمح بعد ما الحرب الروسية الأوكرانية قامت خصوصا ان اوكرانيا كانت بتعتبر سلة غذاء العالم. 
طيب اية اللي عملته مصر علشان تامن احتياجاتها من القمح بعد قيام الحرب الروسية الأوكرانية؟.
بعد الحرب الروسية الاوكرانية الحكومة بدأت تدور علي دول بديلة نستورد منها قمح وتأمن احتياجات المواطنين اليومية من رغيف الخبز، وبدأت الحكومة التخطيط لاستيراد القمح اللي هنتحتاجه دفعة واحدة، وخطة تأمين رغيف الخبر بدأت علي مرحلتين الأولي منهم كانت إنشاء صوامع لتخزين القمح في أغلب محافظات الجمهورية لتجميع وحفظ القمح اللي بتنتجه الأرض عندنا، بالاضافة الي حفظ القمح اللي هستورده من الخارج، واما الخطوة الثانية كانت بدء التعاقد علي محصول قمح يكفي الناس لشهور طويلة وبدأنا ننفذها حاليا بالتعاقد علي 180 ألف طن قمح عن طريق ممارسة عالمية هيبدوا يوصلوا مصر في الفترة من 10 إلى 25 أبريل المقبل، منهم 120 طن أوكراني و 60 طن روماني.

وذكرت أن ذلك يأتي في إطار استراتيجية وزارة التموين والتجارة الداخلية لتعزيز أرصدتها من السلع الأساسية، موضحة أن الكمية تتضمن 120 ألف طن أوكراني و60 ألف طن روماني.
طيب الاستهلاك الكلي للقمح عندنا بيوصل كام سنويا وبنتج اد ايه وبنستورد اد اية ؟.
الهيئة العامة للسلع التموينية اعلنت، أن الاستهلاك الكلي من القمح في مصر بيوصل لـ 21 مليون طن سنويا، بننتج منهم 10 ملايين طن بما يعني اننا بننتج ما يقارب 50% فقط من احتياجاتنا، وبنستورد النص الثاني من برا، وحاليا الدولة شغالة علي طريقين علشان نسد الفجوة الغذائية بين الاستيراد والانتاج اولهم التوسع الأفقي للمشروعات واستراتيجية التنمية الزراعية المستدامة 2030 اللي بتستهدف الوصول بالاكتفاء الذاتي في القمح إلى 70%.
مش كده بس، الحكومة كمان بدأت تحط خطط بديلة للوصول بالاكتفاء الذاتي من محصول القمح لـ 70% في 2030، ااولهم اتجاه الدولة للزراعة فى بعض دول القارة الأفريقية الخصبة زي دولة تشاد، التى بتعتبر ارض خصبة لانتاج المحاصيل الزراعية.
الخطوات اللي اخذتها الدولة دي، كانت بسبب اننا بنعتبر من أكبر مستوردي القمح في العالم، والبيانات بينت أن مصر استوردت 10.88 مليون طن من القمح في 2023، بزيادة 14.7% عن سنة 2022 اللي استوردنا فيها 9.48 مليون طن في 2022 .
البيانات برضوا بينت ان انخفاض وردات مصر من القمح في سنة 2022، جه بسبب قيام الحرب الروسية الأوكرانية وحصل بعدها ارتفاع اسعار الحبوب في اغلب دول العالم خصوصا ان اوكرانيا كانت بتعتبر سلة الحبوب لدول العالم، والمستوردين اضطروا بعدها يشتروا الحبوب بارقام مضاعفة عن ما كانوا بيشتروه من اوكرانيا قبل ما الحرب تقوم .