ليه البنك بيقفل حسابك وهتعمل ايه لو عندك رصيد كبير
البنوك هي الحارس الامين عل فلوس العملاء والحسابات واللي بتخضع لسرية تامة من البنوك ومستحيل حد يشوف حساباتك في البنك اللي في حالات قليلة جدا حددها القانون غير كده مفيش حد هيعرف معاك كام في البنك.. أمتي البنك ممكن يقفل حسابك ولو فيه فلوس تعمل ايه.
شوف حضراتك لو انت عميل في البنك حسابك مش هيتقفل أو يوقف التعامل عليه غير في حالات قليلة زي مثلا لو انت ما عملته اي حركة أو معاملة على حسابك لمدة طويلة وهنا بيتم اعتبار حسابك غير نشط وبيتم تجميده كمان تأخرك في سداد الديون المستحقة للبنك أو لأي جهة حكومية أو خاصة كمان حسابك ممكن يتقفل في البنك لو كان عليك أحكام جنائية أو كنت بتقوم بأعمال غير قانونية وهنا هيتم إغلاق حسابك من قبل البنك.. كمان ساعات بيتم قفل الحساب لو البنك شك فيك أو في مصدر أموالك وهنا بيسألك ايه مصدر الفلوس دي خاصة لو معندكش نشاط مالي أو تجاري أو أي بيزنس مسجل في أوراق تجار ية زي سجل تجاري وبطاقة ضريبية عقود بيع وشراء ولو مقدرتش تثبت مصدر دخلك هنا بقي بيتم تجميد حسابك في البنك وبتكون فيه إجراءات قانونية تانية ضدك .
طبعا لو البنك قفل حسابك لاي سبب فأنت بتعرف وتروح البنك وتشوف ايه السبب وساهلة وبعدها بتروح تزيل السبب يعني لو الحساب وقف عشان مفيش عليه تعاملات فممكن تنشطه باي عمليو بنكية إيداع سحب وبعدها يرجع لك الحساب ولو عليك احكام جنائية خاصة بجرائم أموال بتقدم ما يفيد انك انهيت كل الإجراءات وهكذا وفي نقطة مهمة جدا وهي إن لو فيه فلوس في حسابك واتقفل لاي سبب البنك مش بيصادر الفلوس دي لانها بتاعتك لكن هو بيوقف التعامل عليه بناء على طلب قضائي لحين انتهاء التحقيقات أو صدور أمر جديد من جهة القضاء.
لكن في العادة حسابك بيتجمد خالص في حالة صدور حكم قضائي يقتضي بتجميد الحساب أو فيه نزاع على الحسابات المشتركة يؤدي إلى تجميد الحساب وعلى فكرة كمان البنك ممكن أو أكيد هيوقف تعامله مع حسابك لو وقفت قدام موظف البنك ويطاقتك الشخصية اللي هي الرقم القومي كانت منتهية المدة يعني غير سارية.
