إزاي الحكومة هترفع إيرادات قناة السويس لـ 30 مليار دولار.. شوف المفاجأة

قناة السويس واحدة من اهم روافد العملة الأجنبية للأقتصاد الوطني، اللي حققت أقصى إيرادات في 2022 بحوالي 9.4 مليار دولار والحكومة بستهدف الوصول الي 30 مليار دولار في الفترة الرئاسية الجديدة.. يا تري ده هيتحقق ازاي واية هيا خطة الحكومة علشان نوصل للرقم ده.
 

علي مدار السنين اللي فاتت وقناة السويس كانت واحدة من ابرز واهم مصادر الدخل القومي المصري من العملة الصعبة، في ظل المتغيرات العالمية في مصادر الدخل التانية زي السياحة اللي مرتبطة بالتغيرات العالمية من الحروب والصراعات وغيرها، وتحويلات المصريين بالخارج، واللي ترجعت هيا كمان بنسبة 40% في الفترة الأخيرة بسبب زيادة اسعار بيع الدولار الامريكي في السوق السودا واللي وصل لارقام تاريخية بـ 70 جنيه، في حين وصل سعره في البنوك الرسمية لما يقرب من 31 جنيه، وده دفع المصريين لبيع الدولار في السوق السودا بعيد عن البنوك للاستفادة من فاروق السعر.
طيب اية هيا خطة الحكومة لتعظيم زيادة ايرادات قناة السويس؟.
للاسف في الفترة الاخيرة ايرادات قناة السويس تراجعت بنسبة 40% بسبب قيام الحرب الاسرائيلية علي قطاع غزة، وما تبعها من قيام قوات الحوثي في اليمن بتوجيه ضربات الي السفن الامريكية والبريطانية المارة في البحر الأحمر، مما مثل  خطر كبير علي حركة ملاحة السفن اللي في طريقها للعبور من قناة السويس مرورا الي دول قارة اوروبا .

ضربات جماعة الحوثيين في البحر الأحمر هددت كل حركة السفن المارة في المياة الدولية واللي في طريقها للعبور من قناة السويس، واضطرت السفن دي للعبور من طريق رأس الرجاء الصالح، واللي ادي لارتفاع تكاليف الرحلات اللي هتزيد لما يقارب 14 يوم كاملة بسبب طول مسافة الدوران حول القارة الأفريقية، ده غير احتمالية وقوعها تحت تهديد عمليات القرصنة بسبب طول المسافة.

خطة الوصول بإيرادات القناة إلى ٣٠ مليار دولار، بدأت بالتعاقد مع شركة عالمية تتعاون مع قناة السويس فى إنشاء مراكز صيانة عالمية على ضفاف القناة لتقديم الدعم الفنى واللوجستى للسفن فى أقل وقت ممكن وبأسعار تنافسية، بالاضافة الي الشركات الموجودة حاليا، وده هيزود ميزة القناة في تقديم خدمات لصيانة السفن في اقل وقت وباعلي جودة وده هيؤدي لزيادة خطوط الملاحة اللي هتعدي من القناة في الاتجاهيين.

مصادر مطلعة بوزارة النقل، أكدت لـ«بانكير»، أن خطة الوصول الي 30 مليار دولار ايرادات من قناة السويس، قائمة كمان علي اعادة تخطيط المنطقة اللوجيستية بالقناة وتاهيلها لاستقبال تجارة الترانزيت خصوصا في ظل رغبة الدولة لتحويل مصر لمركز تجارة عالمي، وان الحكومة بتستهدف تحقيق 20 مليار دولار من حركة التجارة ده بخلاف توفير وظائف لا تقل عن مليون فرصة .
المصادر كملت كلامها وقالت أن الدولة بدأت خطوات تعظيم ايرادات القناة من النقل التجاري بتعديل القوانين المنظمة لتجارة الترانزيت في الدائرة الجمركية بحيث يتم السماح بالتخزين داخل الدوائر الجمركية وإعادة التصدير بنظام التجزئة، وفى الحالة دي هتظهر تجارة جديدة بالموانئ المصرية وهى إعادة التعبئة والتغليف والتصدير إلى الدول المجاورة.
خطة زيادة ايرادات قناة السويس، قايمة كمان علي انشاء شركات لإعادة التصدير وتحويل مصر لأكبر منطقة للتحزين في العالم كله وده واحد من اهم عوامل تعظيم الاقتصاد العالمي.