عشان مايضحكش عليك.. نصايح وأماكن رخيصة تشتري منها ياميش رمضان

ياميش رمضان، واحدة من الطقوس اللي مش ممكن يكون شهر رمضان له طعم من غيره، واللي اسعارها السنة دي ارتفعت بشكل كبير بسبب الارتفاعات المتتالية لاسعار صرف الجنية مقابل الدولار الأمريكي.. يا تري سعر السنة دي هيوصل كام، وفين ارخص الأماكن اللي ممكن نشتري منها.
 

رمضان في مصر له شوية طقوس وعادات كده فرحته مش بتكمل اللي بيهم، واحدة من اهم الطقوس دي هي ياميش رمضان، واللي اسعارها ارتفعت بشكل كبير ضمن جملة كل الحاجات اللي اسعارها زادت في مصر، واسعارها حاليا مختلفة من مكان للثاني حسب المكان والمنطقة اللي معروض فيها يعني المناطق الراقية اسعاره بتختلف عن المناطق الشعبية .
طيب اسعار ياميش رمضان وصلت الزيادة فيها كام السنة دي؟.
الزيادة في اسعار ياميش رمضان وصلت السنة دي لـ 70% عن السنة اللي فاتت، ومع الزيادات الكبيرة دي، في مناطق في مصر لسه بتعرض ياميش رمضان باسعار معقولة ومش مبالغ فيها زي باقي الأماكن والهيبرات والمولات الكبيرة زي شارع البحر فيي منطقة رمسيس ومنافذ وزارة التموين وشارع العطارين بحي الأزهر، ومنافذ وزارة الزراعة، ومنطقة باب الشعرية، ومعارض أهلا رمضان.

مع الزيادات الجديدة في الاسعار وصل سعر كيلو عين الجمل لـ 440 جنيها، وكيلو التين التركي 440 جنيها، وسعر كيلو التين السوري 330 جنيه، ويترواح سعر كيلو قمر الدين من 150 الي 300 جنيه، وسعر كيلو الزبيب بيتراوح 200 الي 300 جنيه، وسعر كيلو البلح بتيراوح من 80 الي 100 جنيه، وسعر كيلو العاجو بتيراوح من 85 الي 95 جنيه.

وكمان وصل سعر اللوز المحمص لـ 680 جنيها، وسعر كيلو البندق لـ 580 جنيها، وسعر كيلو اللوز لـ 440 جنيها.
وزارة التموين والتجارة الداخلية، قدمت شوية نصائح للمواطنين قبل ما يشتروا ياميش رمضان، علشان تكون حاجة كويسة من متخزنة أو فاسدة واهمها التأكد من تاريخ الإنتاج وسريان مدة الصلاحي،والشراء من الأماكن المعروفة والموثوق بها واللي بتتميز بتطبيق الشروط الصحية السليمة وقواعد النظافة العامة والشخصية، وشم ولمس المنتجات قبل شرائها للتأكد من عدم وجود أي عيوب أو مظاهر فساد أو غش، وشراء ما يحتاجه المواطن فقط وعد تخزينة في المنازل حتي لا يتعرض للتلف .
كمان وزارة التموين، حذرت المواطنين من العروض الموجودة علي بعض المنتجات المنتشرة في الأسواق حاليا قبل دخول شهر رمضان واللي وصلت في بعض الأحيان لـ 30% وحصوصا تاريخ الصلاحية وطريقة تخزينها وحفظها ونصحت المواطنين بالبحث عن أماكن معارض أهلا رمضان واللي فتحت أبوابها اعتبارا من الـ 15 من شهر فبراير الجاري ولمدة شهر، وبتقدم اللحوم والدواجن والبيض والمخللات واللحوم المجمدة والزيوت وياميش رمضان والجبن ومشتقات الألبان والأرز والمكرونة والعسل باسعار منخفضة للتخفيف علي المواطنين، وكلها منتجات جودتها اعلي بكثير من المعروض في كتير من المولات والاماكن بسبب اتجاه عدد كبير من التجار لتخزين السلع والمنتجات خلال الفترة اللي بهدف اعادة بيعها باسعار اغلي من سعرها الحقيقي بالأسواق لتحقيق مكاسب شخصية.

وزارة التموين أكدت كمان أنها بالتعاون مع الاجهزة الأمنية بالدولة وجهاز حماية المستهلك بتوجيه ضربات للمحتكرين من التجار للسلع والمنتجات، وتمكنت من ضبط كميات كبيرة من السلع والسكر وغيرها من المنتجات اللي التجار خزونوها بهدف تعطيش السوق واعادة بيعها باسعار اعلي من سعرها الحقيقي والاستفادة من فارق السعر.