النصب بالجيفت كارد.. خلي بالك من فلوسك

قضية البلوجر الشهيرة اللي كانت سبب في ضياع حوالي 100 مليون جنيه على ضحايا الكسب السهل والانترنت والتطبيقات والتسويق الالكتروني كشفت عن كوارث وتفاصيل صادمة بتحصل حولينا واحنا مش واخدين بالنا واتضح أن أغلب طرق النصب عبر الانترنت دلوقتي سببها تطور التكنولوجيا المالية مقابل جهل كبير من ناس كتير باللي بيحصل في العالم الموازي ودي كارثة لازم نلحقها في مصر ودا لأن ظهر نزع جديد من النصابين كل ادواتهم موبايل وتطبيق يعمله على الانترنت وطريقة يجر بيها ويسحبك للعالم بتاعه وبعدين تلاقي نفسك ضحية وخسرت فلوسك بسبب الطمع ولأنك مش فاهم حاجة في التكنولوجيا الحديثة.

قضية البلوجر الشهيرة كشفت أن تم النصب على حوالي الفين بني ادم بواسطة  بطاقات الهدايا  أو الجيفت كارد ودي بطاقات كده زي كوبونات كارفور كل كارد بقيمة مثلا 100 جنيه وانت طالع وصالح للاستخدام يعني تشتري بيه لمدة محدودة سنو مثلا أو سنتين وبعدين تنتيهي صلاحيته لو عدت المدة وعشان كده بيسموه كارت هدايا بدل ما تدي حد فلوس بتديه الجيفت كارد ده بطريقة  اشيك..
والحيفت دا طبعا فيه منع بطاقات بالجنيه والدولار واي عملة وبتوصل قيمة الكارد ل500  دولار واي شركة عالميه ممكن تصدرها ودي اللي استخدمته عصابة البلوجر عشان تنصب على الناس لما باعتهالهم بسعر الدولار بالبنك  والناس طمعت وقالت هناخد المارد أو الكوبون ب30 جنيه للدولار ونبيعه في السوق السوداء ب60  جنيه مثلا وكله اشتري ودخلت شركة صينية في الموضوع وبعدين اتضح أن البطاقات دي موقوفة أو فيها مشكلة أو الدولار بتاعها مجمد أو صدرت وتم إلغائها المهم الناس اشترتها وخسرت ملايين الجنيهات .. عشان ما سألوس ولا استعملوا عليها عشان معندهمش الثقافة المالية الحديثة.