حدث هيقلب الموازين في البنك المركزي.. ضربة موجعة لتجار الدولار

ايه اللي بيحصل في البنك المركزي وايه الحدث الكبير اللي هيقلب الموازين وايه تأثيره على قوة الاقتصاد المصري وليه هيكون صدمة لتجار العملة وخراب على السوق السوداء للدولار.. خليكم معانا للآخر وهتعرفوا التفاصيل
 

زي ما احنا عارفين احتياطي البنك المركزي المصري او اي بنك مركزي في العالم بيتكون من سلة عملات دولية ودهب يعني مش دولار بس زي ما ناس كتير فاكرة واللي مايعرفوش ناس كتير بردو إن مصر عندها احتياطي دهب ضخم احتلت بيه المركز التالت عالمياً بين الدول الأكتر نموا في زيادة احتياطي الدهب بعد ما زاد عن 126 طن وعلى فكرة دهب في عرف البنوك المركزية يعني دولار يعني ببساطة قيمته بالدولار بتتحول لاحتياطي دولار.

الجديد بقى إن مصر عندها خطة طموحة لزيادة الاستثمار في استخراج الدهب هتنقلها لجنة تانية خالص وطرحت مناقصات عالمية لاستخراج ملايين الاونصات من الدهب وفعلا اتقدمت شركات عالمية للمناقصات الجديدة والجديد واللي لسه طازة إن البنك المركزي المصري استلم شحنات جديدة من الدهب من عشركة "شلاتين للثروة المعدنية" التابعة لوزارة البترول المصرية وجهات حكومية تانية بحجم نص طن مرة واحدة، بقيمة بلغت المليار جنيه خلال النص التاني من 2023.

وحسب المعلومات إجمالي  الدهب اللي سلمته الشركة  للبنك المركزي تتراوح بين 470 إلى 500 كيلو جرام منها 200 إلى 250 كيلو جرام خلال الربع الأخير من السنة اللي فاتت.
وكمان فيه توقعات رسمية بوصول إنتاج الدهب بالنصف الأول من 2024 إلى 550 كيلو جرام تانية بالتزامن مع خطط التنمية بمناطق الامتياز الواقعة بالنطاق الجغرافي لشركة "شلاتين"، واللي معدلات إنتاج الدهب فيها ماشية حسب  استراتيجية الشركة بالتنسيق مع هيئة الثروة المعدنية المصرية والشركاء.

كمان بنفكركم إن مصر بدأت في مارس 2023 تشغيل الإنتاج التجاري للدهب من موقع "إيقات" بجنوب مصر واللي بتقدر احتياطياته ب 1.2 مليون أونصة من الدهب، وتبلغ نسبة الاستخلاص فيه 95% وتعتبر من أعلى نسب الاستخلاص في العالم والاهم إن المنجم استثمار مصري خالص في مجال التنقيب عن الدهب واستغلاله من خلال شركة شلاتين المصرية لأول مرة.

وزي ما قلنا فيه 10 شركات بين محلية وأجنبية مشاركه في المزايدة العالمية 1 لسنة 2023 اللي طرحتها الشركة للتنقيب واستكشاف الدهب والمعادن المصاحبة في خمس مناطق بالصحراء الشرقية هي فطيري، والبرامية، وعتود، وأم عود وحنجيلة، وحماطة وبحسب المعلومات الشركات اللي قدمت عروضها من جنسيات صينية وكندية وروسية وأسترالية بجانب شركات محلية.
وبحسب شروط المزايدة  احتياطي الشركة المتقدمة للمزايدة من الدهب يجب ألا يقل بـ 10 ملايين أونصة، وأن يكون معدل الإنتاج السنوي للشركة يفوق 500 ألف أونصة، وتلتزم الشركة المتقدمة للمزايدة بأن تنفق الاستثمارات المُتعهد بها طوال التلات مراحل من الاستكشاف و لمدة ست سنين كل مرحلة سنتين .
طبعا زيادة احتياطي الدهب زي بالظبط زيادة احتياطي الدولار في المركزي وده معناه ضربة قوية وجديده للسوق السودا للدولار وشهادة قوة جديده للاقتصاد المصري هنشوف تأثيرها في الأيام الجاية على سعر الدولار في السوق السودا.