انقلاب في السوق السوداء.. الدولار يعاني بعد قرارات المركزي

في الساعات الأخيرة فيه انقلاب حرفيا فى السوق السودا للدولار وسعر العملة المريكية من يوم الخميس اللى فات وهو بيعانى وبيواصل النزيف وفيه ارتباك وتخبط كبير بيسيطر على المضاربين وتجار العملة وعمليات تنفيذ بيع وشراء العملة متوقفة تقريبا يعنى لا فيه حد بيبيع ولا حد بيشترى رغم ان فيه محاولات للتنازل عن العملة من قبل حائزيها.. فيا ترى ايه اللى بيحصل فى الكواليس ؟ وهل الهبوط فى سعر الدولارمؤقت ولا هيستمر الفترة الجاية؟

سعر صرف الدولار داخل السوق الموازي بيشهد فى الساعات الخيرة تراجع ضخم وسجل خلال تعاملات النهاردة الأحد 4 فبراير 2024   بعد الصعود المتتالي اللي شهده داخل السوق غير الرسمي خلال الأيام الخيرة ووصوله  إلى مستويات قياسية تجاوزت 70 جنيه لأول مرة.

وتراجع سعر الدولار داخل السوق الموازي اليوم ، إلى 50 جنيه، بعد ما كان وصل ال 72 جنيه للدولار فى نهاية شهر يناير  وسط ترقب الأسواق لتحرك سعر العملة الأجنبية داخل السوق الرسمي مع استمرار مناقشات الحكومة المصرية مع صندوق النقد الدولي بشأن زيادة قيمة القرض المتفق عليه.

وطالب صندوق النقد الدولي في أوقات فاتت الحكومة المصرية بتحرير سعر الصرف لما له من دور في حماية الاقتصاد وتعزيز التصدير فضلًا عن تعزيز دور القطاع الخاص.

وأكد جهاد أزعور مدير إدارة الشرق الأوسط وآسيا الوسطى بـ صندوق النقد الدولي، على أن المفاوضات شغالة بشأن دفعات القرض المتفق عليه مع مصر، مشيرًا إلى أن الصندوق مستعد لزيادة قيمته لو الحاجة استدعت ده .

وبسبب كتير من الأخبار الايجابية سواء المتعلقة بزيادة قرض الصندوق أو بعض الصفقات الضخمة اللى هتوقعها الحكومة مع مستثمرين اجانب خلال الفترة الجاية تراجع سعر دولار السوق السودا بأكتر من 20 % فى اخر 24 ساعة واختفى المضاربين من السوق وعمليات بيع وشراء النقد الجنبي تراجعت الى حدودها الدنيا وفيه كلام كتير وقوى عن انخفاضات كبيرة فى سعر العملة الأمريكية وصولا الى السعر العادل للدولار عن مستويات تقترب من ال 40 جنيه وفقا لكتير من الخبراء والمحللين الاقتصاديين.

وخد بالك قرارات البنك المركزي يوم الخميس اللى فات كان ليها دور مهم فى الى بيحصل فى السوق الموازية للعملة ولسه فيه قرارات جريئة وحاسمة هتصدر خلال ايام هتعمل قلبان فى سوق صرف العملات الأجنبية وهتخلى الدولار يواصل التراجع