ليلة صيد الحيتان.. القبض على شبكات رجال أعمال وتجار السلع والدولار

كله هيتجاب وحرب الجنيه على الدولار بدأت والفوضى انتهت.. ايه اللي حصل في ليلة الجمعة في القاهره والمحافظات.. شوف ياسيدي لأول مرة الأجهزة الأمنية ومعاها فرق من وزارات تانية تقوم بحملات ضخمة في وقت واحد على تجار العملة وتجار الجملة اللي بيضاربوا في الأسعار ويحجبوا السلع..
وقدرت الحملات دي تضبط 55 قضية في 24 ساعة وفيهم عدد كبير من صغار  التجار اللي ييشتغلوا لصالح الحيتان الكبار وبيجمعولهم الدولارات من السوق، وشرائها بأرقام كبيرة حيث قدرت قيمة المضبوطات بـ 14,5 مليون جنيه،  ودول بيعتبروا لاجهزه الامن كنز معلومات هيوصل للروس الكبيرة في السوق السودا .
وكمان تم القبض على تشكيل عصابي من تجار النقد الأجنبي ومعاهم سبايك دهب ومبالغ من العملة الصعبة وبالتحقيق معاهم اعترفوا إنهم ضمن شبكات لصالح تجار ورجال أعمال كبار، وده غير ضبط 31 قضية تانية من تجار النقد الأجنبي الصغار ومعاهم 20 مليون جنيه وشغالين ضمن قائمة ضمت أسماء كبيرة ورنانة من تجار الدهب ورجال الأعمال.
حملات الداخلية قدرت كمان تقبض على أسماء كبيرة في سوق الجملة و المتورطين في حجب السلع عن التداول بالأسواق وإخفائها وعدم طرحها للبيع لرفع أسعارها سواء سلع غذائية  والسجائر والتبغ.
وفي المحافظات سقطت شبكات لتجار كبار في المنيا وأسيوط والمنوفية استغلوا الأزمة الاقتصادية واخفزو السلع تمهيدا لرفع أسعارها.