الأسواق تحبس الأنفاس.. أهم 48 ساعة في 2024
كل الناس فى مصر قاعدة مستنية تعرف ايه اللى هيحصل فى مصر بعد 48 .. وازاى ممكن يتم التعامل مع الوضع الصعب والحرج اللى مصر عايشة فيه؟ وايه مصير الجنيه الفترة الجاية ؟ وهل جنون الدولار هيتوقف ولا السوق السودا هتفضل مكملة؟ وازاى هيتم التعامل مع التضخم واسعار الفايدة؟ وهل ممكن نشوف شهادة جديدة بفايدة أعلى من 30 % زي ما ناس كتير بتتوقع ؟
يوم الخميس هتعقد لجنة السياسة النقدية أول اجتماع ليها فى 2024 للنظر فى اسعار الفايدة على الايداع والاقراض وسط توقعات قوية باتجاه اللجنة الى رفع اسعار الفايدة من ما بين 200 الى 500 نقطة أساس في الوقت اللي بيترقب فيه كل المصريين مصير الجنيه مقابل الدولار والاجراءات اللى ممكن تاخدها الدولة لوقف نزيف العملة المحلية وكمان القضاء بشكل نهائي على أزمة نقص العملة اللى مصر بتعاني منها من مارس 2022 ولحد دلوقتي وتفاقمت بقوة فى الايام الأخيرة مع وصول الدولار الى مستوى يقترب من 70 جنيه فى السوق السودا لصرف العملات الأجنبية.
وخلال 8 اجتماعات للجنة السياسة النقدية بالبنك المركزي المصري فى 2023 تقرر تثبيت أسعار الفائدة 6 مرات مقابل زيادتها مرتين خلال اجتماع مارس واجتماع أغسطس.. لكن مع ارتفاع التضخم وانخفاض قيمة الجنيه بيتوقع كتير من المحللين ان اللجنة ممكن ترفع اسعار الفايدة فى الاجتماع ده.
وخلال الاجتماع الأخير للجنة في ديسمبر اللى فات تقرر الإبقاء على عائد الإيداع والإقراض لليلة واحدة، وسعر العملية الرئيسية للبنك المركزي عند مستوى 19.25% و20.25% و19.75% على الترتيب، كما تم الإبقاء على سعر الائتمان والخصم عند مستوى 19.75%.
وفي مذكرة بحثية حديثة وعكس معظم التوقعات رجحت إدارة البحوث بشركة "إتش سي" للأوراق المالية والاستثمار، تثبيت اللجنة لأسعار الفايدة لكن محللة الاقتصاد الكلي بالشركة، هبة منير، لم تستبعد الاتجاه إلى رفع أسعار الفائدة حال حدوث أي تغيير أو تعديل في أسعار صرف الدولار.
ومن المتوقع أن تأتي ان الخطوة دي تتم بالتزامن مع الانتهاء من المراجعة الأولى والتانية المؤجلة لصندوق النقد الدولي والتوصل كمان إلى اتفاق مع صندوق النقد الدولي بشأن مضاعفة قيمة البرنامج التمويل لمصر ورفعه من 3 الى من 10 اغلى 12 مليار دولار
وبالنسبة للتضخم من المتوقع ارتفاع معدل التضخم للحضر لشهر ينايربنسبة 6.7% على أساس شهري و36.3% على أساس سنوي مع الأخذ في الاعتبار ارتفاع أسعار تذاكر المترو، وأسعار خدمات الانترنت والاتصالات، بالإضافة الي ارتفاع أسعار الكهرباء للمنازل.
ولسه الضغوط على الجنيه مقابل العملات الأجنبية بتتزايد وارتفع مؤشر قيمة مبادلة مخاطر الائتمان في مصر لمدة سنة إلى 960 نقطة أساس من 886 نقطة أساس في 21 ديسمبراللى فات وارتفعت كمان أسعار الدهب فى مصر بنسبة 17% منذ بداية 2024 يعنى فى أقل من شهر أسعار المعدن النفيس قفزت بالقرب من 20% ودي نسبة عالية جدا ، بالإضافة إلى ضغوط المتعاملين على عوائد الخزانة.
وسجلت الفائدة لأذون الخزانة لمدة عام 27.7% يوم الخميس اللى فات مقارنة بنحو 27.4% في الاجتماع السابق وده بيعكس سعر فايدة سلبي حقيقي بنسبة 9.0% كمان تم استبعاد مصر من مؤشر جي بي مورجان للسندات بداية من 31 يناير وده هيقلل من احتمال عودة الأموال الساخنة قبل استقرار سعر الصرف.
طب ايه مصير الجنيه الفترة الجاية؟
متوقع بنسبة كبيرة حدوث تخفيض في قيمة الجنيه والمؤسسات الدولية بتتكلم فى سعر من 40 الى 45 جنيه لكن لو حصل اتفاق مع صنددوق النقد ونجحت الدولة فى تدبير سيولة دولارية ممكن الرقم يكون اقل من كده لكن فى كل الاحوال مصر مضطرة للخطوة دي .. ومتوقع كمان اصدار شهادات بعائد مرتفع للحفاظ على اموال المودعين وحمايتها من التآكل مع ارتفاع التضخم
