مؤامرة حرق مصر ودرس العمر من المصريين لاصحاب المركب غرقت

 

ايه الخطر اللي بيلف نفسه حولين رقبة مصر .. وليه المصريين ثاروا على دكتور خليجي وليه لازم نساند البلد في الوقت الصعب دا.. خليكم معانا لآخر الفيديو 
 

 
مصر وقعت ومركبها غرقت وافضل أبنائها بتأخدهم الدول وارى إن تاخذ الكويت الدكتور الماني هاني عبد الجواد ليفتح عيادته عندنا ونستفيد منه.. دي كان جملة لدكتور كويتي على موقع إكس لكن الرد كان عنيف جدا من المصريين ولقنوه درس العمر وفهموه ازاي الدول العريقة صاحبة الحضارات مش بتوقع لكن ممكن تتعثر ودي حاجة ما يفهمهاش اللي دولهم نص عمر قصر عابدين في القبة واللي ملوكها لما كانوا بيلبسو جزم دهب مرسوم عليها صور ملوك اعدائهم في وقت كانت الدول اللي بتطاول دلوقتي على مصر في غيابه النسيان وأجدادهم كانوا بيتغطو بجلد الغنم في وقت كان المصريين عايشين في قصور ودولة ونظام وحكومة ووزراء وعلوم في كل المجالات.
ليه بنتكلم بالقوة دي وليه المصريين ردو على الدكتور العربي وعلموه يعني ايه مصر.. عشان اذا كان ده موقف الشقيق وطبعا احنا مش بنعمم لكن فكرة سقوط مصر دي مرعبة ومستحيل تحصل طول ما فيه ملايين المصريين زي اللي الالتفات اللي ردوا على الإساءة بيحبو ويعشقو بلدهم وبيغيرو عليها جدا والمصري جواه عارف إنه عظيم وبلده اقدم من التاريخ نفسه وعشان كده بيستحمل كل الظروف ومش هو اللي يتخلى عن بلده مهما كانت العيشة والظروف الصعبة.
ليه لازم نخلي بالنا من بلدنا اكتر من كده .. لسبب بسيط جدا وهو إن فيه أطراف في المنطقة وبره المنطقة عاوزة مصر ترجع للخلف وفيه جهات وأطراف تانية عاوزة عود كبريت وتولع في البلد وتصدر الفوضى لأنهم عارفين المرة دي مش هتكون زي كل مرة لكن هيكون لاقدر الله فوضى مدمرة ودا اللي بيسعى ليه أهل الشر وخلينا. فاكرين كويس كلمة الإعلامي الإسرائيلي ايدي كوهين لما قال يا إما مصر تتخلى عن ممر فلاديفيا يا إما الدولار هيوصل 200 جنيه ولان كوهين قريب من المخابرات الإسرائيلية فهو عارف بيقول ايه وعاوز يقولنا أن إسرائيل ومعاها أطراف تانية هي السبب في أزمة الدولار وهما اللي بيولعوا الدنيا ويلموا العملة .

مع إسرائيل وأمريكا فيه وكالات التصنيف الائتماني وصندوق النقد واللي بيضغطوا بقوة على مصر سواء بتأخير القرض أو بتقارير مسيسة وجائرة ودا غير موقف دول في المنطقة كنا فاكرينهم هيمدوا أيديهم لكن بدل كده بيحصل تطاول ومفهموش درس التاريخ كويس وهو إن الدول العريقة بتنهض دائما وعندها قوة على امتصاص اي أزمات ودا واضح بقوة وازاي مصر قدرت تستحمل سنتين ظروف من أصعب مايكون ولاتركعش ولا تتنازل ولا توافق على التهجير أو محاولة استتفزازها.
لازم نخلي بالنا كويس ونشوف العالم والمنطقة حولينا واللي بيحصل فيها من مؤامرات من كل ناحية ونار الفوضى اللي حاصرت مصر سواء من الغرب في ليبيا أو الجنوب في السودان أو الشرق في قطاع غزة ولأن المؤامرة كبيرة وخطيرة لازم نساند بلدنا لغاية ما ترجع تقف على رجليها تاني.