حل عبقري لأزمة ارتفاع أسعار الدهب.. جهز فلوسك واستعد

لو معاك قرشين وعاوز تستثمرهم وتتحوط ضد تقلبات الأسعار جهز فلوسك واستعد وده لأن الحكومة بتدرس اصدار قرار مهم جدا هيكون ليه علاقة بحل أزمة ارتفاع اسعار الدهب وكمان هيساعد اى حد عاوز يستثمر فلوسه بطريقة آمنة ومضمونة.. فيا ترى ايه القرار اللى بتدرسه الحكومة وازاى ممكن الناس العادية تستفيد منه؟ وايه تاثيره على جنون اسعار الدهب؟

بعد ساعات من ضبط أباطرة وحيتان سوق الدهب اللى تسببوا في رفع أسعار المعدن الأصفر والمضاربة عليه مما أدى لوصول سعر الجرام لأرقام خيالية بتتجه الحكومة حاليا لتوفير فرص استثمارية في الدهب والمعادن بشكل يسهم في التحوط ضد مخاطر تقلبات الأسعار من خلال المشاركة في استثمار منظم وآمن.

وبيناقش مجلس الوزراء المصري فى الايام اللى فاتت تقرير أعدته الهيئة العامة للرقابة المالية حوالين اصدار أول صندوق للاستثمار في الدهب واللي تم إطلاقه السنة اللى فاتت  وبيتزامن تأسيسه بعد استحداث تشريعات جديدة منظمة لعمل النوع ده من الصناديق حديثة العهد على الاقتصاد المصري من أجل تلبية رغبات ناس كتيرة من اللى بيبحثوا عن فرص استثمارية غير تقليدية للحفاظ على قيمة أموالهم

وأعلن رئيس الوزراء أن صناديق الاستثمار في المعادن ومنها الدهب بتأتي في ضوء الرغبة في توفير فرص استثمارية وادخارية تلبي احتياجات مختلف فئات المجتمع بشكل يساهم في التحوط ضد مخاطر تقلبات الأسعار من خلال المشاركة في استثمار منظم وآمن..وكمان  في إطار توجه الدولة نحو تمكين القطاع الخاص.. وقال ان صندوق الاستثمار في الدهب هيكون بداية فقط لإطلاق المزيد من صناديق الاستثمار وأدوات مالية تانية وده هيساهم في جذب المزيد من الاستثمارات الجديدة، وربط السوق المصرية بالأسواق العالمية.

وأكد رئيس هيئة الرقابة المالية المصرية محمد فريد صالح، أن تأسيس أول صندوق للاستثمار في الدهب استكمال لجهود الهيئة في دعم توجهات الحكومة المصرية اللى هدفها تعزيز مستويات الشمول المالي والاستثماري، والعمل على بناء قطاع مالي غير مصرفي متطور ومحفز للنمو الاقتصادي.

و إطلاق أول صندوق للاستثمار في الدهب بيمثل الشريحة الأولى لعدد من صناديق الاستثمار في المعادن النفيسة هيتم إنشائها بهدف تحقيق عوائد مناسبة تتوافق مع السياسة الاستثمارية لمختلف شرائح المجتمع.

وبدأ الاكتتاب في أول صندوق للاستثمار في الذهب بمصر يحمل اسم (az-Gold) في مايو اللى فات وبيدير الصندوق إحدى الشركات المتخصصة في إدارة الصناديق والمحافظ، بحد أدنى 100 وثيقة بسعر 100 جنيه في الاكتتاب الأولي، ويمكن استرداد الاستثمار في الصندوق على شكل ذ\دهب أو نقود، وعملية الاكتتاب هنا المقصود بيها التقدم للاستثمار في الصندوق خلال فترة فتح باب الاكتتاب الأولى من خلال جهات تلقي الاكتئاب وفقا للشروط المحددة.

و صندوق الدهب بيهدف إلى الاستثمار المباشر في معدن الدهب سواء استثمار مادي في السبائك، مع تتبع قيمة الوثيقة لسعر و مؤشر الدهب المعلن من قبل البورصة المصرية للأوراق المالية.

وبتتمثل  خطوات البدء في الاستثمار في الدهب من خلال الصندوق في فتح حساب للعميل بالشركة اللى بتقولم بتوزيع وثائق الصندوق، وتحويل المبلغ المالي المراد استثماره، وبعدها توقيع الاستمارة الخاصة بالاستثمار في الدهب من خلال الصندوق، وبيتم تحويل المبلغ المالي إلى شهادات استثمار في الدهب، ويحق لأي مستثمر استرداد أمواله أو جزء منها بالإضافة إلى أرباحها المحققة في أي وقت أو الحصول على دهب يقابل قيمة استثماراته طبقاً لنشرة الطرح الخاصة بالصندوق.

وفى الساعات الأخيرة كثفت قوات الأمن من حملاتها  لضبط مافيا وأباطرة سوق الدهب ، والقت القبض على عدد كبير منهم بعد ما ساهموا في وصول سعر جرام الدهب لأرقام قياسية وكمان الدولار في السوق السوداء .

وداهمت الأجهزة الأمنية محلات كبار التجار في منطقة الحسين والجمالية  وقامت بحملات تفتيشية وتم ثبوت مخالفات جسيمة تختص بالدمغات والموازين والأعيرة ، والتلاعب في الأسعار ، وتخزين كميات لتعطيش السوق وإنشاء بورصة ، لأسعار الدهب حددت السعر لأكثر من 3700 جنيه للجرام الواحد.