بعائد 75%.. بنوك تشعل المنافسة على الشهادات.. ودي أعلى شهادات تستثمر فيها!
الاستثمار في الوقت الحالي بقي كله مخاطر، والناس حاليا بتدور علي مصدر امان يستثمروا فيه فلوسهم خصوصا ان الاستثمار في العقارات معرض للتقلبات السوقية والتغيرات الاقتصادية والسياسية والأمنية والمشاكل اللي ممكن يتعرض لها العقار في البنيه التحتية ده غير التاخير في عمليات البيع والايجار.. والاستثمار في الذهب معرض لمخاطر الصعود والهبوط في الاسعار، وكان الحل الافضل هو شراء شهادات الادخار من البنوك خصوصا بعد النسب الكبيرة اللي طرحتها البنوك.. فيا تري اية هيا اعلي شهادات الادخار اللي اعلنت عنها البنوك في عام 2024..وشروطها اية والعائد بتاعها كام.. واية هيا مواعيد صرف الفايدة.
طلعنا من فترة هنا في بانكير وقولنا لحضراتكم ان البنوك قدمت طلب للبنك المركزي لطرح شهادات جديدة بأسعار فائدة مرتفعة لتجنب خروج السيولة الموجودة فيها لصالح الشهادة الجديدة في لبنك الأهلي المصري وبنك مصر اللي طرحوا شهادة ادخار جديدة مع بداية سنة 2024 بسعر فايدة شهرية 23.5% و27% سنويا وجمعت اكثر من 380 مليار جنيه في أول 14 يوم من طرحها .
مفيش ايام علي الكلام اللي قولناه لحضراتكم واعلن البنك الأهلي الكويتي- مصر عن طرح شهادة ادخار ثلاثية بعائد ثابت تراكمي 75% فى نهاية مدة الشهادة وعائد سنوي 18.80% وبحد أدنى للشراء 1000 جنيه ومضاعفاته .
البنك الأهلي الكويتي – مصر اعلن كمان عن تقديم شهادة لمدة 7 سنين بعائد تراكمي 200%، وبعائد سنوى 10.40% بحد أدني بداية من 1000 جنيه وكمان قدم شهادة لمدة 10 سنين بحد أدنى 1000 جنيه ومضاعفته بعائد سنوى 9.59% وتراكمي 250%جنيه.
من البنك الأهلي الكوتي – مصر بنروح معاكم لبنك المصري لتنمية الصادرات اللي اعلن عن إصدار الشهادة الادخارية الثلاثية المتميزة بلس ذات اجل 3 سنوات بسعر فايدة 21% سنويا ويصرف العائد شهريا،
البنك المصري لتنمية الصادرات اعلن أن الحد الأدنى لإصدار الشهادة بيبدأ من مليون جنيه ومضاعفات 100 ألف جنيه، وبيبدأ سريان العائد في نفس يوم الشراء.
ولس مكملين معاكم وبنروح لبنك قناة السويس اللي اعلن عن شهادة الادخار الثلاثية مدة الـ3 سنوات بفايدة 19% سنويًا، وممكن للعميل صرف الفايدة بشكل شهري أو ربع سنوي أو سنوي، والحد الأدني لشرائها 1000 جنيه ومضاعفاته، واشترط البنك عدم استرداد المبالغ الموجوة فيها قبل مرور 6 شهر من تاريخ الشراء.
