مهمة حكومية خاصة في السوق السوداء.. البنك المركزي خد القرار الصعب
متابعينا الكرام في كل مكان أهلا بكم وتحليل جديد لأهم التقارير اللي قدمتها وحدة أبحاث بانكير على منصاتها الالكترونية النهاردة الاثنين 22 يناير 2023
الحقيقة وحدة بانكير قدمت تقارير مهمة النهاردة تناولت الوضع الاقتصادي
البداية مع تقرير بعنوان (مشروع السيسي لانقاذ الجنيه.. غُمة وهتنزاح)
وقال التقرير إن الرئيس السيسي وهو بيستعد لولاية جديدة فى حكم مصر أصعب ازمة بتواجهه حاليا هي أزمة نقص العملة الأجنبية وشح الدولار واللى من تداعياتها ارتفاع اسعار السلع بصورة وشكل غير مسبوق وعشان كده شغل الرئيس الشاغل فى الفترة دي ازاى ينقذ الجنيه من الانهيار قدام العملات الجنبية .... وازاى يقضي على كل الفوضى الموجودة فى سوق صرف العملة واللى خلت سعر الدولار يعدى حدود ال 60 جنيه فى السوق السودا رغم ان سعره فى البنوك مستقر عند حدود 31 جنيه من شهر مارس 2023
وكشف التقرير إن الرئيس السيسي عارف ان الحكومة الحالية فشلت فى ايجاد حلول لأزمات مصر الاقتصادية وعشان كده حاليا بيتم اختيار تشكيل وزارى جديد يقدر يكون ليه دور فى البحث عن حلول غير تقليدية لأزمة نقص العملة والتشكيل الجديد السيسي مراعي فيه انه يكون أغلبه من رجال المال والأعمال واقتصاديين مشهود ليهم بالكفاءة والانجاز
وكشف تقرير بانكير عن توجيهات الرئيس للحكومة الجديدة بطرح افكار تقدر تساعد مصر على عبور الزمة الاقتصادية الصعبة اللى بتمر بيها فى الفترة الأخيرة والموضوع مش تغيير اسماء وخلاص..
وطرح التقرير سؤال ازاى الرئيس هيحل ازمة الدولار..
الرئيس شغال على أكتر من ملف .. أولها ملف الاستثمارات الأجنبية المباشرة ودي دولارات بيتم ضخها فى السوق مقابل تنفيذ مشروعات ضخمة... كمان فيه اهتمام رئاسي ملحوظ بملف الطروحات الحكومية واللى متوقع تدخل لمصر السنة دي بسحوالى 10 مليار دولار... بجانب طبعا تعظيم المصادر التقليدية للعملة الأجنبية زي زيادة الصادرات وسوم قناة السويس وعائدات السياحة وتوجيه اهتمام اكبر لتحويلات المصريين فى الخارج ومعالجة الخلل اللى خلا التحويلات دي تتراجع حوالى 30 % فى اخر سنة
واختتم التقرير بتكليف رئاسي بحل ملف الأسعار والقضاء على الاحتكار باحراءات قوية وحاسمة على الارض
التقرير التالي على منصات بانكير كان بخصوص أزمة خطيرة بيواجهها القطاع العقاري المصري في الفترة الأخيرة وبتهدد ملايين العملة والأسر والاف الشركات العاملة في قطا البناء.
وقال التقرير إن فيه أزمة كبيرة جدا في ارتفاع اسعار العقارات والايجار في الفترة الأخيرة واكتشف التقرير حاجتين أخطر من بعض أولها إن شركات الحديد اخترعت دولار مخصوص بشوق الحديد وسعره فوق ال70 جنيه ودي كانت الضربة الاكبر لشركات التطوير العقاري وشركات المقاولات واللي اتعاقدت على أسعار قديمة والزيادات الأخيرة هتهدد مشروعاتها بالتوقف أو الخسارة.
تاني سبب لارتفاع أسعار العقارات في مصر سواء ايجار أو تمليك هو الطلب الكبير من الضيوف أو اللاجئين على العقارات سواء للسكن او لعمل مشروعات أو محلات تجارية ومطاعم وطبعا مصر طول عمرها مش بتفرق بين ضيف ومصري
وقال التقرير إن اللي بيحصل في سوق العقارات المصري كارثة بكل المقاييس لانه معناه شلل وخراب لاف الشركات وملايين العمالة في قطاع العقارات ودا غير آلاف المصانع اللي شغالة في مواد البناء والصناعات المرتبطة ولأن الأسعار الحالية معناها وقف حال مباشر ولازم الحكومة تدخل قبل ما تحصل الكارثة .
وحدة أبحاث بانكير قدمت تقرير عن طرح بنوك لشهادات ادخار حديدة بعائد خرافي.
واستعرض التقرير طرح البنوك شهادات جديدة بأسعار فائدة مرتفعة لتجنب خروج السيولة الموجودة فيها لصالح الشهادة الجديدة في لبنك الأهلي المصري وبنك مصر اللي طرحوا شهادة ادخار جديدة مع بداية سنة 2024 بسعر فايدة شهرية 23.5% و27% سنويا وجمعت اكتر من 380 مليار جنيه في أول 14 يوم من طرحها .
الجديد هو طرح البنك الأهلي الكويتي- مصر شهادة ادخار ثلاثية بعائد ثابت تراكمي 75% فى نهاية مدة الشهادة وعائد سنوي 18.80% وبحد أدنى للشراء 1000 جنيه ومضاعفاته .
البنك الأهلي الكويتي – مصر اعلن كمان عن تقديم شهادة لمدة 7 سنين بعائد تراكمي 200%، وبعائد سنوى 10.40% بحد أدني بداية من 1000 جنيه.
واشار التقرير في نفس الوقت إن بنك تنمية الصادرات اعلن عن إصدار الشهادة الادخارية الثلاثية المتميزة بلس ذات اجل 3 سنوات بسعر فايدة 21% سنويا ويصرف العائد شهريا،
البنك المصري لتنمية الصادرات اعلن أن الحد الأدنى لإصدار الشهادة بيبدأ من مليون جنيه ومضاعفات 100 ألف جنيه، وبيبدأ سريان العائد في نفس يوم الشراء.
التقرير الأخير في تحليل النهاردة كان بعنوان ارتباك وقلق في السوق السودا.. يوم الحساب قرب
واشار إنه فى الساعات الأخيرة حصل ارتباك واضح فى السوق السودا للدولار والمضاربين وتجار العملة اختفوا تماما وتنفيذ عمليات البيع والشراء تراجع بشكل ملحوظ وحتى صفحات السوشيال ميديا اللى بتهتم بتداول العملات الجنبية الأدمن بتوعها اختفوا ومفيش تحديثات بتتم لأسعار العملات..
وفسر التقرير سبب اللي بيحصل في السوق السودا وهو نشاط الأجهزة الرقابية والأمنية فى الايام الأخيرة وملاحقة المضاربين وتجار العملة اللى بيضاربوا على الدولار واللى بيتلاعبوا بسعر العملة المريكية وخلوا سعرها يوصل الى حدود 60 جنيه وده طبعا سعر مش عادل ولا حقيقي ولا بيعبر عن القيمة الحقيقية للجنيه المصري لكن طبعا تجار العملة بيستغلوا ازمة نقص الدولار وبيحاولوا يحققوا اكبر قدر من المكاسب
وقال التقرير إنه فيه تحركات بتتم فى اكتر من اتجاه اولا على صفحات التواصل الاجتماعي اللى بتنشر اخبار السوق السودا والتجار المنتشرين لشراء العملة الأجنبية ودول تم رصد عدد كبير منهم والأجهزة الأمنية ... وألقت القبض على مجموعة من تجار العملات والمتورطين فى تداول النقد الأجنبي خارج البنوك وتم ضبط كمية كبيرة من الدولارات مع المقبوض عليهم ...
واختتم التقرير إنه فيه كمان تحرك بيتم على الأرض لرصد الحيتان الكبار والقبض عليهم وكلنا شفنا وتابعنا أخبار القبض على واحد من كبار حيتان الصاغة والدهب المتورط فى تجارة العملة وفى اشعال ازمة الدولار.
