توحش الدولار.. صدمة في سوق الصرف ومفاجأة بخصوص الدهب

في التعاملات الأخيرة واصل دولار السوق السودا توحشه وقفز قفزات كبيرة بعيدة تماما عن السعر العادل وأصبحت  العملة الأمريكية على مشارف مستوى 60 جنيها بعد ما ارتفعت بأكتر من 3 جنيه فى ال 24 ساعة الأخيرة ووصل سعر الدولار الى 57 جنيه.. فيا ترى ايه اللى بيحصل بالظبط فى سوق الصرف ؟ وليه الدولار بيرتفع الارتفاعات الكبيرة دي مرة واحدة ؟ وليه تجار الدهب مسعرين الدولار على حوالى 70 جنيه؟

من بعد الاعلان عن شهادات ال 27 اشتعلت المضاربات علىالدولارفى السوق السودا للعملة بالتزامن مع تقارير صادرة عن مؤسسات تمويل دولية بتتوقع تخفيض رابع فى قيمة الجنيه المصري قبل نهاية الربع الول من 2024 .

وحاليا فيه عصابات بتلم الدولار من السوق باى سعر وبتشتغل على العملة الأمريكية فى مصر وبره مصر من خلال السطو على تحويلات المصريين فى الخارج وللأسف العصابات دي نجحت فى اخر سنة بس فى الاستحواز على حوالى 10 مليار دولار من تحويلات لعاملين فى الخارج اللى تراجعت بنسبة 30% وفقا لبيانات رسمية صادرة عن البنك المركزي.

وفى تصريحات ليه مؤخرا أعلن رئيس بنك مصر، محمد الأتربي،  إن البنك هيفضل مستمر فى تلقى طلبات الشراء في الشهادات الجديدة لغاية مطلع فبراير .

وجت الشهادات الجديدة اللى بيصل العائد عليها إلى 27% متزامنة مع استحقاق الشهادات السابقة ليها والي طرحت في يناير 2023 بعائد يصل إلى 25%، وبعضها بدأ استحقاقه في 25 يناير الجاري وجمعت أكثر من 500 مليار جنيه.

وعبر بعض الاقتصاديين عن تخوفاتهم من استحقاق شهادات الـ 25%، واللي هتحرر الكثير من السيولة وتأثيرها السلبي على الدولرة، لكن وفقا للارقام المعلنة عن حجم شراء شهادات ال 27%  ففيه عدد من عملاء الشهادات آثروا السلامة واكتتبوا في الشهادات البديلة ورغم كده فضلت السوق الموازية للدولار بتشهد ارتفاع كبير وتخطى سعر الشراء 57 جنيه فى الوقت اللى استقر فيه  سعر الدولار فى السوق الرسمية بالبنك المركزي عند مستوى 31 جنيه

في خط متوازى مع دولار السوق السودا سجل دولار الدهب مستويات تاريخية وحاليا تجار الدهب بيسعروا الدولار عند مستوى 80 جنيه .. وقفز سعر جرام الدهب عيار 21 إلى مستوى 3425 جنيه للمرة الأولى في تاريخه في تأكيد جديد عمق أزمة العملة اللي بتمر بيها مصر حالياً والتلي بينظرليها على أنها الأصعب من سنين طويلة.