قرار عاجل من السيسي.. ورقم يعيد الثقة لحكومة مدبولي

متابعينا الكرام في كل مكان أهلا وسهلا بكم وتحليل جديد وأهم التقارير اللي قدمتها وحدة ابحاث بانكير النهاردة الاربعاء 17 يناير 2023

الحقيقة معانا تقارير كتير مهمة على منصات بانكير النهاردة والبداية هتكون مع تقرير خاص عن تطورات أزمة الدولار وارتفاع أسعاره..
عنوان التقرير كان (ملف الدولار على مكتب السيسي.. مفاجآت الايام الجاية)

واستعرض التقرير تطورات السوق السودا للدولار وإزاي سعره قفز بشكل غير مبرر في الايام الاخيرة ووصل لتقريبا 59 جنيه للدولار الواحد ودا طبعا كان سبب مباشر في ارتفاع أسعار حاجات كتير في البلد زي الدهب والسلع المستوردة.

وقال التقرير إن بعد سنة على الأزمة ومحاولات الحكومة والبنك المركزي السيطرة على سوق الصرف الملف راح رئاسة الجمهورية والرئيس السيسي بيتابع بنفسه وبكل التفاصيل .. وإن هتكون فيه مفاجات كتيرة الأيام الجاية.

كمان التقرير استعرض مؤشرات إيجابية في الاقتصاد هيكون ليها مردود كبير على سعر الدولار وتوفيره في البنوك منها التطورات الأخيرة في ملف الغاز والحقول الجديدة اللي هتدخل الخدمة قريب وإعادة التصدير والاسالة بكميات كبيرة ودا كفيل يغطي الفجوة الدولارية في سوق العملة ودي أولي بشاير الخير  في 2024 وشكلها هتكون سنة انتهاء الأزمات والمعاناة للناس وجمب الغاز فيه اتفاقات مبادلة العملة بين مصر والصين ومصر وروسيا واللي هتدخل مرحلة التنفيذ قريب جدا ودي هتوفر مليارات الدولارات وهتخفف  الضعط على الدولار بشكل كبير جدا.

منصات بانكير عرضت كمان النهاردة تقرير خاص عن 
تكليف رئاسي عاجل للحكومة بيتعلق بالاسعار والحياة المعيشية للناس.
والنهاردة اجتمع الرئيس عبد الفتاح السيسي  مع الدكتور مصطفى مدبولي رئيس مجلس الوزراء، والسيد القصير وزير الزراعة واستصلاح الأراضي، والدكتور هاني سويلم وزير الموارد المائية والري، والدكتور بهاء الغنام المدير التنفيذي لجهاز مستقبل مصر للتنمية المستدامة.

وحسب التقرير تناول جهود الدولة لتطوير التعاون الزراعي مع القارة الإفريقية، وأصدر الرئيس تعليمات بتعزيز الاستثمارات المصرية في دول القارة الإفريقية في العديد من المجالات، وخاصة الاستثمار الزراعي، والمناطق اللوجستية، والأنشطة ذات الصلة مثل التصنيع الزراعي، مشدداً على إعطاء الأولوية للقطاع الخاص المصري لريادة تنفيذ مشروعات التعاون في هذا الصدد.

كمان كان فيه قرار تاني من الرئيس للحكومة بدراسة وإعداد الآليات المناسبة لخفض المخاطر المتعلقة بالاستثمار، وتقديم الدعم للمستثمرين، بما يحقق المصالح المشتركة لمصر وأشقائها في القارة الإفريقية.

وحدة أبحاث بانكير قدمت تقرير بيتكلم بردو عن السوق السودا للدولار لكن من زاوية تانية وقرارات البنك المركزي المصري المنتظرة.

وقال التقرير إنه فى الأيام الأخيرة سعر الدولار فى السوق السودا وصل لمستويات قياسية محصلتش قبل كده فى تاريخ مصر من يوم ما تم ربط الجنيه بالدولار وحاليا بيتم تداول العملة الامريكية بحوالى 57 جنيه ورغم ارتفاع سعر العملة الأمريكية بشكل مبالغ فيه الا ان فيه صعوبة فى الحصول على دولار وده لأن فيه حركة اكتناز كبيرة بتتم للدولار وفيه ناس مجهولة كتير بتلم العملة من السوق بأى سعر والناس دي كل هدفها ان الدولار ما يرحش البنوك ولا مصر تستفاد منه وكمان من خلال حيازة اكبر كمية من الدولار يقدروا قدام يتحكموا فى سعره لو حصل تخفيض جديد لقيمة الجنيه

وبالتزامن مع اللى بيحصل فى السوق الموازي لصرف العملات فيه دعم قوى من وسائل الاعم خارجية بتدفع فى اتجاه ان سعر الدولار هيوصل ل 70 جنيه عشان يخلوا فيه هجوم على حيازة الدولار والطلب عليه يرتفع بشكل كبير وبالتالى فعلا الاسعار توصل للأرقام اللى كل يوم بنسمع عنها

وحسب تقرير بانكير البنك المركزي بيحاول يجفف منابع دولار السوق السودا وفيه أكتر من قرار واجراء اتاخد فى القترة الأخيرة هدفه منع نزيف الدولار والحفاظ على احتياطي مصر من النقد الجنبي وكان من أهم التحركات اللي عملها  المركزي قفل حنفية الدولار المفتوحة من خلال البطاقات الائتمانية اللى اكتشف البنك ان فيه اساءة لاستخدامها خصوصا خارج مصر وعشان كده وجه البنوك بتقليل سقف السحب لأقل حد ممكن وده فعلا ساهم فى الحفاظ على كمية كبيرة من العملة الأجنبية كانت بتروح لتجار السوق السودا للاستفادة من فرق السعر بين البنوك والسوق الموازية 

ونيجي معاكم لنهاية الجولة وتقرير مهم نشرته منصات بانكير بخصوص ملف الصادارات المصرية واللي الدولة شغالة عليه بشكل قوي جدا الفترة الأخيرة لأنه قطاع بييجبب دولارات في وقت عندنا فاتورة استيراد ضخمة جدا فكان لازم يحصل التوازن.. وزي احنا ماعارفين الدولة بتستهدف 100 مليار دولار صادرات في 2030.

واستعرض التقرير بعض الأرقام منها إن مصر صدرت ب 569 مليون دولار أسمنت ودا رقم كبير ومشجع في صناعة استراتيجية.

وشرح التقرير إن قطاع الأسمنت هو أهم القطاعات الصناعية الرئيسية في الاقتصاد القومي وكان واحد من ركائز البنية التحتية والمشروعات العمرانية في الجمهورية الجديدة للدولة المصرية.

المجلس التصديرى لمواد البناء أكد أن صادرات الأسمنت ارتفعت بنسبة 24% وسجلت  569 مليون دولار في اول 8 أشهر من عام 2023 مقابل 459 ملايين دولار خلال نفس الفترة من العام الماضى 2022 .

التقرير أكد كمان ارتفاع صادرات مصر من مواد البناء والحراريات والصناعات المعدنية في النصف الأول من عام 2023 بنسبة 6%.

وكشف المهندس أحمد سمير وزير التجارة والصناعة، ان مصر منتج هام للأسمنت وأكبر منتج في قارة إفريقيا وضمن أكبر 10 دول منتجة للأسمنت فى العالم بحجم إنتاج بيوصل 92 مليون طن سنويًا.