تطور خطير في السوق السوداء للدولار.. إيه اللي بيحصل في الكواليس

يا ترى ايه اللي بيحصل فى السوق السودا للدولار فى الساعات الأخيرة ؟ وليه الدولار سجل أعلى مستوى في تاريخه؟ وهل سعر العملة الأمريكية هيفضل يرتفع كده على طول؟

وفق عدد كبير من المتعاملين فى السوق الموازية للصرف ارتفعت أسعار الدولار بقوة في فى آخر 48 ساعة  وسجل سعر العملة الأمريكية مستوى 57 جنيه وسط طلب متزايد على الدولار للتحوط من تخفيض محتمل فى قيمة الجنيه وفقا لعدد من التقارير الدولية.

الارتفاعات الجديدة فى سعر العملة الأمريكية جت بعد تغيير جديد في حدود المدفوعات من العملة الأجنبية لحاملي بطاقات البنك التجاري الدولي، CIB، والبي قام بتخفيض حدود المدفوعات من مصر للطبقة برايم العادية إلى 2000 جنيه أو ما يوازيهم بالدولار .. وخفض البنك كمان المدفوعات بالبطاقة خارج مصر إلى 15 ألف جنيه أو ما يوازيهم بالدولار.

ومن المتوقع ان باقي البنوك هي كمان تعمل اجراءات مشابهة لمنع نزيف الدولار والتصدي لألاعيب تجار العملة في الفترة الجاية وطبعا ده بيقابله طلب متزايد على الدولار خصوصا من جانب المسافرين للخارج والمستوردين.

وزي ما احنا عارفين مصر بتعانى من أزمة عملة من نهاية الربع الأول من 2022 بسبب ارتفاع اسعار الحبوب والنفط كواحدة من تداعيات الحرب الروسية الاوكرانية.

وفى عز اومة شح العملة كشفت بيانات صدرت مؤخرا عن تراجع قوي في تحويلات المصريين من الخارج بنسبة 30% إلى 4.5 مليار دولار خلال الربع الأول من السنة المالية الحالية بحسب بيانات المركزي المصري.

وطبعا تحويلات المصريين فى الخارج واحدة من اهم موارد العملة الأجنبية لمصر والدولة بتعتمد عليها كتير فى توفير احتياجاتها من الدولار والتراجع اللى حاصل فيها دلوقتى بسبب عصابات بتستولى على الدولار من العاملين فى الخارج من بره بره .. يعنى العصابات دي بتاخد الدولار من المغترب بره مصر وبتسلم أهله مقابلها هنا فى مصر بالجنيه وبأعلى من سعر السوق الموازية وده خلال عدد كبير من المغتربين يتوقفوا عن ارسال فلوسهم عن طريق البنوك والقنوات الرسمية

التراجع اللى حصل فى تحويلات المصريين فى الخارج كا ن ليه تداعيات على نقص العملة وكامان على انتعاش السوق السودا للدولار لأن الفلوس اللى مش بتتحول عن طريق البنوك بتدخل السوق السودا وبتعلى المضاربات على الدولار وعشان كده البنك المركزيشغال على اجراءات وحوافز جديد لاعادة ثقة المصريين فى الخارج للبنوك واعادتهم من جديد لتحويل فلوسهم عن طريق البنك.