بسقف مفتوح.. شروط قروض الحج والعمرة 2024 من 3 بنوك
قروض الحج 2024..لو بتحلم تعمل مناسك الحج او العمرة وتزور بيت الله الحرام وتصلي في الروضة الشريفة وتغسل ذنوبه، لكن العين بصيرة والأيد قصيرة.. طيب تعرف ان اقل سعر لبرنامج حج هيكلف اكثر من ربع مليون جنيها .. منين هتوفر المبلغ ده وهتلمه في كام سنة وعلي ما تحوشه هتكون الاسعار رفعت اكثر واكثر.. لو عايز تعرف الحل البسيط والسريع علشان تحقق حلمك وتزور بيت الله الحرام شوف الفيديو ده للآخر.
تحرير سعر الصرف الجنية المصري رفع كل اسعار الخدمات في حياتنا، واحد من الخمات اللي ارتفع سعرها بشكل رهيب هو الحج والعمرة واللي وصل اقل سعر لبرامج حج السنة دي لاكثر من ربع ميلون جينها، والنهاردة برامج الحج بقت «لمن استطاع اليه سبيلا»، ودلوقتي شركات السياحة بتسعر برامج الحج علي سعر الريال في السوق السوداء اللي وصل سعره لأكثر من 14 جنيه.
وزارة السياحة والآثار واحدة من اعلي الوزارات اللي بتنظم برامج حج في مصر، واللي اعلنت عن اسعار برامج الحج للسنة دي، ووصل اقل سعر لبرنامج حج من 191 الي 226 الف جنيها، ووصل سعر برنامج الحج 5 نجوم الي 450 الف جنيها بدون اسعار تذاكر الطيران.
دلوقتي انا هقولك علي الحل السريع علشان تعمل مناسك الحج وتزور الروضة الشريفة.
في بنوك حاليا في مصر اعلنت عن تقديم قروض الحج والعمرة بتسهيلات في السداد للراغبين في عمل مناسك الحج والعمرة، والبداية معانا هتكون من بنك مصر اللي اعلن عن تقديم قروض للحج بتبدأ من 200 الي 400 الف جنيها بفترة سداد 10 سنوات وفايدة متناقصة 17% ومصاريف ادارية 1.5% من اجمالي القرض بتخصم لمرة واحدة.
بنك مصر حط شرط وحيد لمنع قروض الحج والعمرة وهو ان يكون سن المتقدم يبدأ منذ 21 سنة ولا يتعدي 60 سنة عن اخر قسط، وبيوصل لـ 65 سنة لبعض المهن .
ومن بنك مصر بنروح معاكم لبنك فصيل الاسلامي اللي اعلن عن تقديم قروض الحج والعمرة بحد اقصي 500 الف جينها وبفترة سداد 5 سنوات وسعر فايدة متناقص 14.5% ورسوم ادارية من 1 الي 2% من اجمالي القرض واشترط ان يكون سن المتقدم للحصول علي القرض من 21 سنة ويكون 60 سنة وقت تسديد اخر قسط.
ومن بنك فيصل الاسلامي بنروح لبنك المصرف المتحد واللي رفع سقف قروض الحج والعمرة لاقصي حد وفقا لقدرة العميل علي السداد ووفقا لدخله الشهري ويكون السداد لمدة سنة واحدة بس وبقايدة متناقصية 5 ومصاريف ادارية من 1 الي 2% من اجمالي القرض واشترط ان يكون سن العميل يبدأ من 21 سنة ولا يتعدي 60 سنة وقت سداد اخر قسط من القرض .
