هتاخد مرتبك قبل ميعاده.. تفاصيل خدمة صرف المرتب مقدما من البنوك دي

مين فينا المرتب بيكفية لاخر الشهر واضطر يستلف علشان يكمل، طيب لو الدنيا قفلت معاك هتعمل أية وهتتصرف ازاي ومين اللي هيسلفك، احنا هنا في بانكير هنقولك علي المفيد لو عايز تأخذ المرتب بتاعك بدري تمشي دنيتك بدل ما تمد ايدك وتستلف .

تقريبا مفيش حد في مصر المرتب بيكفية لاخر الشهر، ومن شهر الثاني بيدور علي حد يسلفه علي اما مرتب الشهر الجديد ينزل ويرد له السلف لكن مش كل شهر هتقدر تستلف ومين اللي معاه يدي سلف في الوقت اسمع مني الكلمتين دول وانا هقولك علي المفيد .

في بنوك حاليا قدمت خدمة للموظفين للحصول على الراتب مقدما، والبنك بيخصم الراتب اول ما ينزل في حسابهم وكل ده بدون اي مصروفات إدارية.. طبعا انت بتقول ايه هيا البنوك دي الحقني بيها بسرعة.

البنك الاهلي وبنك مصر أعلنوا عن تقديم خدمة الحصول علي الراتب مقدما، وحدد البنك  الأهلي تقديم 80% من الراتب نقدا أو في صورة مشتريات حسب حاجة العميل بدون اي مصاريف إدارية وحدد بنك مصر نسبة 65% من الراتب مقدما وبأعلى قيمة تسهيل.

البنك الاهلي وبنك مصر حدودا الحد لصرف الراتب مقدما بشرط ميكنش اعلي من20 ألف جنيه، وبمده سداد بتوصل سنتين مع إمكانية التجديد بدون أى مستندات جديدة، وأقل سعر عائد وأقل مصاريف إدارية مع إمكانية سحب أو سداد مبلغ التسهيل أكثر من مرة خلال نفس الشهر، وكمان ممكن تسحب المبلغ دفعة واحدة أو على دفعات من خلال ماكينة ATM.

طيب أية هيا الاوراق المستندات المطلوبة لصرف الراتب مقدما؟.

البنك الاهلي وبنك مصر حدودا شوية مستندات وأوراق بسيطة وتقدر تأخذ الراتب بتاعتك مقدما قبل الشهر ما ينتهي واهمها صورة من بطاقة الرقم القومي وتكون سارية وإيصال مرافق حديث لمر يمر عليه 3 شهور، وكشف حساب لبطاقة المرتبات للعميل عن أخر ثلاث شهور أو مفردات راتب معتمدة من جهة العمل.