من غير ضامن وفلوس بالكوم.. حقق مشروع احلامك بقروض الاعمال الحرة 2024
لو انت من اصحاب الأعمال الحرة واللي جاي علي قد اللي رايح وعندك حلم عايز تحققه مش عارف تموله، تعالي اقولك علي الحل ومين احسن بنك ممكن يديك قرض بدون اي ضمانات واية هيا الشروط والأوراق المطلوبة له بدون تعقيدات ولا عقد ولاالروتين اللي بيوقف المراكب السارية.
معروف للكل انا الغالبية العظمي من الشعب المصري مش موظفين، والنسبة الاكبر منهم اصحاب اعمال حرة صاحب صنعة يعني رزقه يوم بيوم، وكلنا عندنا احلام نفسنا نحققا، لكن الظروف مش مساعدة زي ما المثل بيقول العين بصيرة والايد قصيرة، احنا هنا في بانكير هنقول علي افضل البنو اللي بتقدم القرض الشخصي بدون اي ضمانات علشان تبدأ مشروعك وتغير حياتك وتأسس مستقبل اولادك.
القرض الشخصي واحد يعد من أهم برامج التمويلية اللي بتقدمها البنوك للعملاء وعليها طلب كبير والاجراءات المطلوبة ليها اسهل والفايدة الموجودة عليها اقل بكثير من القروض الثانية، وبتوصل قيمة القرض الي 2.5 مليون جنيه، وفترة سداد مرنة بتوصل لـ 10 سنوات .
طيب اية هيا الشروط اللي بتطلبها البنوك لمنح قروض الاعمال الحرة للمواطنين؟.
اغلب البنوك بتتفق البنوك في شروط القروض الشخصية واهمها أن يكون عمر المقترض أن لا يقل عن 21 سنة ولا يزيد عن 60 سنة، وفي بنوك ثانية بتشترط أن يكون سن العميل من 25 سنة ولا يزيد عن 65 سنة، وبحددوا سعر العمل التجاري أو المهني لا يقل عن عامين او 3 سنوات .
طيب اية هيا الأوراق المطلوبة من العملاء علشان ياخذوا القروض اللي عايزينها؟.
البنوك حددت اوراق بسيطة لتقديم القروض لأصحاب الاعمال الحرة واهمها تكون البطاقة بتاعتك سارية ويكون معاك مستندات الملكية أو عقد إيجار مكان العمل، وفاتورة مرافق حديثة بمحل الاقامة و مكان العمل، ونسخة من بطاقة ضريبية سارية فيها تاريخ بدء العمل وتاريخ انتهاء صلاحية البطاقة، ومستخرج حديث من السجل التجارى بحد أقصى 3 شهور من تاريخ الإصدار أو نسخة من ترخيص العمل، وعقد تأسيس الشرك وكشف حساب بنكى معتمد شخصي.
طيب مين افضل البنوك اللي بتقدم قروض شخصية لأصحاب الاعمال الحرة؟.
في بنوك كثيرة بتقدم قروض الاعمال الحرة اهمهم البنك الاهلي اللي اعلن عن تقديم قروض بتوصل الي 3 مليون جنيه وبفترة سداد بتوصل الي 12 سنة وبسعر الفايدة متناقص من 22% إلى 24% سنويا حسب نوع وظيفة العميل بشرط ان يكون الحد الأدني للدخل الشهري للعميل لا يقل عن 1000 جنيه .
البنك الثاني معانا النهاردة وهو بنك مصر اللي اعلن عن تقديم قروض لاصحاب الاعمال الحرة بتوصل ايضا الي 3 مليون جنية وبفترة سداد 15 عاما كحد أقصى، وبسعر فايدة متناقص علي حسب وظيفة العميل من 22% إلى 24% سنويا بشرط ان يكون الحد الأدني للدخل الشهري للعميل لا يقل عن 1000 لموظف الحكومة و 2000 جنيه لموظف القطاع الخاص.
والبنك الثالث معانا النهاردة هو بنك القاهرة اللي اعلن عن تقديم قروض لأصحاب الأعمال الحرة بتوصل الي 2 مليون جنيه، وبفترة السداد 15 سنة كحد اقصي، وسعر فايدة متناقص 22% سنويا بشرط ان يكون الحد الآدني للدخل الشهري للعميل لا يقل عن 3 آلاف جنيه .
