طواريء في بنوك مصر.. وقرارات جريئة وحاسمة خلال أيام
من يوم الخميس اللى فات ومن بعد اعلان البنك الأهلى وبنك مصرطرح شهادات جديدة بعائد 27% وفيه طواريء فى البنوك المصرية لدراسة الوضع ومناقشة الاجراءات والقرارات اللي ممكن تتاخد الفترة الجاية بعد اتساع فجوة تسعير الفائدة على الشهادات الادخارية.. فيا ترى ايه اللى ممكن يحصل الأيام الجاية؟ وايه التحركات اللى ممكن تعملها البنوك فيما يتعلق بأسعار الفايد؟ وايه حكاية لجان الأليكو اللى بدأت اجتماعاتها النهاردة وهي اللى هتكون مسئولة عن التعامل مع الوضع الحالي فى البنوك؟
من بعد اعلان طرح شهادة الـ 27% فى بنك مصر والبنك الأهلي اتسعت فجوة تسعير الفائدة على الشهادات الادخارية في بنوك مصر بمعدلات تراوحت بين 3.5 و7% ودي فجوة كبيرة جدا لازم البنوك تتحرك عشان تسدها فى أسرع وقت ممكن للحفاظ على أموال المودعين وكمان لجذب عملاء جدد لاستثمار فلوسهم فى أدوات الدين الحكومية
ووفقا لمعلوماتنا بدأت النهاردة "لجان الأليكو" والمسؤولة عن تسعير الفائدة على منتجات الادخار والإقراض بالبنوك اجتماعاتها لدراسة مدى الحاجة لإعادة تسعير منتجاتها الادخارية وفقا للأسعار الجديدة في السوق.
ومعروف ان تسعير الفايدة فى البنوك بيتم بناء على عدة معايير أهمها تكلفة الأموال في البنك واستراتيجياته التوسعية ومدى حاجته لجذب سيولة جديدة وكمان عنصر المنافسة مع باقي البنوك والحفاظ على قاعدة العملاء اللى بتعتبر واحدة من أهم معايير التسعير.
حد ممكن يسأل وايه هي لجان الاليكو دي؟
لجان الاليكو أو لجان الأصول والخصوم أو كما يطلق عليها الموجودات والمطلوبات هي المجموعة المسئولة عن الأصول وإدارة المخاطر في البنوك وبتتمثل مهمتها في وضع استراتيجيات واسعة للتعامل مع احتياجات البنك المتنافسة على المدى الطويل ومراقبة وإدارة المخاطر المتداخلة بشكل يومي .
وامتى اللجان دي بتعمل اجتماعتها ؟
لجان الأصول والخصوم بتراجع بشكل دوري أوضاع السيولة الحالية والمستقبلية ومراقبة الإيرادات والنفقات وكمان النفقات المتوقعة ومراقبة نموذج التدفقات النقدية قصير الأجل والتوقعات المستقبلية لأسعار الفايدة والاقتصاد على الصعيدين المحلي والخارجي.
وبتستعرض لجان الأصول والخصوم أداء محفظة الاستثمار ووضع محفظة الديون.. وبتطلع الاليكو على معلومات عن الظروف الاقتصادية الوطنية والمحلية الحالية والمتوقعة والتوقعات لأسعار الفايدة ومواقف القروض والودائع والتوقعات
وفى اجتماعه الأخير أبقى البنك المركزي على معدلات الفائدة دون تغيير خلال اخر اجتماع لجنة السياسة النقدية فى 2023 .
و ظل سعر الإقراض لليلة واحدة عند 20.25 %، في حين بقي سعر الفائدة على الودائع لليلة واحدة عند 19.25 %.
وهيعقد البنك المركزي يوم 1 فبراير الجاي أول اجتماع للجنة السياسة النقدية في 2024 لبحث أسعار الفائدة الجديدة وسط ضغوط على الاقتصاد المصري ومحاولات الحكومة لضبط المالية العامة وارتفاع معدلات التضخم إلى 36%.
وأظهر أداء ميزان المدفوعات خلال الربع الأول من العام المالي الجاري 2023-2024 تراجع في تحويلات المصريين العاملين بالخارج بنسبة 29.9% على أساس سنوي مقارنة بنفس الربع من العام المالي اللي فات .
وانخفضت تحويلات المصريين العاملين بالخارج خلال الربع الأول من العام المالي الجاري إلى حوالي4.5 مليار دولار مقارنة بنحو 6.4 مليار دولار مقارنة بنفس الربع من العام المالي السابق.
