تحرك جديد من مافيا العملة .. توقعات متشائمة عن مستقبل الدولار
يا ترى ايه اللى بيحصل فى كواليس سوق صرف العملات فى مصر؟ وليه سعر الدولار المريكي رجع للارتفاع من جديد بعد التراجع اللى حصل فى الأيام الأخيرة؟ وايه علاقة ده بأزمة نقص العملة اللى بتعانى منها مصر من مارس 2022 ولحد دلوقتي؟ وليه الحكومة لحد دلوقتى مش قادرة تقضي على السوق السودا للدولار ولا تواجه مافيا العملة اللي بتعمل اللى هي عاوزاها فى السوق الموازية؟ وهل الحصوص على قرض اضافي من صندوق النقد ممكن يحل الأزمة بصورة نهائية؟
من جديد عاد عاود دولار السوق السوداء في مصر للصعود بشكل ملحوظ خلال الساعات الأخير وده بعد ما شهدت العملة الأمريكية ارتباك وتراجعات كبيرة فى الأيام اللى فاتت بعد ما كانت وصلت إلى مستوى قياسي جديد عند 55 دولار للجنيه الواحد يوم الأربعاء اللي فات .
الارتفاعات القوية لدولار السوق الموازية حصلت بسبب زيادة الطلب علي العملة الأمريكية خلال الأيام اللى فاتت زبترجع الزيادة في الطلب إلى عدة عوامل أهمها التخفيض المحتمل لقيمة الجنيه قبل الربع الول من 2024 وكمان الغموض اللى لسه بيكتنف مراجعات صندوق النقد الدولي.
وبعد وصول الدولار في السوق السوداء إلى مستوى قياسي جديد وتخطيه مستوى 55 جنيه شهد السوق تراجعات ملحوظ بعد كده ووصل الدولار الى 51 جنيه لكن فى الساعات الأخيرة ومع بدء السنة الجديدة رجعت العملة الأمريكية تزيد تاني.
وبتواجه مصر ضغوط كبيرة بسبب نقص العملات الأجنبيةبعد خروج استثمارات أجنبية غير مباشرة بقيمة 22 مليار دولار خلال النص الأول من 2022 نتيجة للتأثيرات السلبية للتوترات العالمية الناجمة عن الصراع الروسي الأوكراني.
وبعد 3 تخفيضات لقيمة الجنيه خلال آخر سنتين ارتفع سعر الدولار فى البنوك المصرية بنسبة تخطت الـ 96% .
وفى الأيام الأخيرة كشفت وكالة "موديز"، للتصنيف الائتماني العالمي أن البنك المركزي المصري من المتوقع يقوم بتخفيض كبير في سعر صرف الجنيه خلال الربع الأول من 2024 واتوقعت استمرار التراجع بشكل تدريجي لغاية نص السنة
وتوقعت الوكالة تراوح سعر صرف الجنيه مقابل الدولار بين 45-50 جنيه خلال عام 2024 في حال تبنت الحكومة نظام صرف مرن.
موديز قالت ان التخفيض الجديد هيؤدي إلى استمرار ارتفاع معدلات التضخم ومن المتوقع أن تصل معدلات التضخم في 2024 إلى متوسط نسبته حوالي 24%، مما يعني عدم قدرة البنك المركزي على تحقيق هدف التضخم المستهدف البالغ 7% وبتتوقع الوكالة استمرار توقف معدلات الفائدة البنكية عند مستوياتها المرتفعة لفترة طويلة.
وفى تصريحات ليها مؤخرا كشف محمد الحمصاني، المتحدث باسم مجلس الوزراء، الدور الرئيسي اللي بتلعبه الحكومة في مراقبة السوق السوداء للدولار مع التأكيد على تنسيق وتكامل الجهود بين مجلس الوزراء والبنك المركزي في السياسات النقدية.
الحمصاني قال ان الدولة جادة في جذب الاستثمارات الخارجية المباشرة لتعزيز الاحتياطي الدولاري بالبلاد وقال ان مصر نجحت فى في استقطاب 5.6 مليار دولار وكمان تحقيق المنطقة الاقتصادية لقناة السويس لـ1.8 مليار دولار خلال النص الأول من العام الحالي من خلال الموافقة على مجموعة من المشروعات.
المتحدث باسم مجلس الوزراء شدد على أن الدولة بتعمل بجد في التصدي لتحديات الدولار وسعر الصرف واكد أن الحكومة بتعمل جاهدة في استقطاب المزيد من الاستثمارات الأجنبية المباشرة متوقعًا مزيد من الاستقرار في الفترة الجاية.
