خدمات جديدة على إنستاباي.. سد قسطك في مكانك

 

لو عليك قسط لأي شركة متشلش هتسدده وانت مكانك .. وحاجات تانيه كتير.. انستاباي أضافت خدمات جديدة في بوابتها السحرية.. ايه الخدمات الجديدة وازاي هنتعامل معاها
 

 
تطبيق إنستا باي، للمدفوعات اللحظية وتحويل الأموال وطبعا كلنا عارفين إنه تطبيق تابع  للبنك المركزي المصري، قرر من ساعات إضافة خدمات دفع أقساط شركات التمويل الاستهلاكي، بداية من اول يناير 2024. ، وفيه ملايين المصريين اللي مشترين سلع مختلفة من شركات التمويل الاستهلاكي وكانوا بيعانوا في سداد الأقساط بالطريقة التقليدية دا غير رسوم الدفع الالكتروني وغرامات التأخير لكن دا كله هيتغير دلوقتي وهتحول قسطك فوري ومن غير رسوم على انستاباي بعد قرار المركزي بتأجيل دفع رسوم على عمليات انستاباي.
وحسب البيان الرسمي المركزي بدأ التطبيق خدماته الجديدة بإضافة 5 شركات هي فاليو وسهولة وبريميوم كارد وشهري وسيمبل، حيث يتيح لعملاء تلك الشركات دفع الأقساط المستحقة عليهم. 

ومش كده وبس دا كمان  كشف البنك المركزي إنه بيدرس انضمام شركات التكنولوجيا المالية المُصدرة لبطاقات دفع على اختلاف أنواعها إلى شبكة المدفوعات اللحظية وتطبيق "إنستاباي" أسوةً بالبطاقات البنكية. وبكده يبقي كل شبكات الدفع والمال وكل انواع الفيزا اللي في جيبك هينفع تشتغل على انستاباي وهيبقي معاك تطبيق واحد يخلصك كل معاملاتك المالية ..

وعادة شركات التكنولوجيا المالية، وخاصة شركات المدفوعات الإلكترونية بطاقات مسبقة الدفع لعملائها، بالتعاون مع البنوك، لتقديم خدمات: سداد الفواتير، والتسوق، وسحب الأموال، وذلك دون الحاجة لفتح حساب بنكي.

و وبنفكركم أن تطبيق انستاباي بيتيح التحويل اللحظي على مدار الساعة طوال أيام الأسبوع، دا غير ع إمكانية الاستعلام عن الرصيد وسداد فواتير الخدمات وشحن الرصيد. وفيه دلوقتي  6.2 مليون عميل بيستخدموا انستاباي، عملوا 300 مليون معاملة، ومستهدف الوصول بحجم المعاملات إلى 800 مليار جنيه معاملات حتى نهاية العام الجاري.

وميزة تطبيق إنستا باي إنه بينجز عملية التحويلات في أي وقت وعلى مدار 24 ساعة طوال أيام الأسبوع، ويتيح طرق متعددة للتحويل عن طريق (رقم الموبايل/ الحساب البنكي - محفظة الهاتف المحمول - عنوان الدفع الإلكتروني).
والإنستا كمان بيربط أكتر من حساب بنكي وبطاقات ميزة على نفس التطبيق، وسهولة التسجيل على التطبيق بدون زيارة البنك أو أي مستندات ودا غير إمكانية استخدام التطبيق والاستفادة من خدماته خارج مصر، وتنفيذ المعاملات المالية لحظيا بين البنوك المصرية،

وبخصوص حدود المعاملات على تطبيق إنستا باي، فتبلغ حدود المعاملات على التطبيق نحو 70 ألف جنيه للمعاملة، و120 ألف جنيه يوميا، و400 ألف جنيه شهريا.